Loma 8:36 - Tosi Tapu

³⁶ Ofaipe le nea leia e tuu i le Tosi : Se tupu ko koe, e tuku ai matou ki le mate i le aso fuli, Ti e tio ai kia matou ofaipe ni ovi ke ave ki le fale tamate manu.

Loma 8:36 ပူးပေါင်းရင်းမြစ်များ

Pesalemo 141:7

Ofaipe se mafaa e sa i le kele, E fakamavaa loa e le nofoaga o le kau mate lona gutu, O folo olatou ivi ala kua mavetevete.

Pesalemo 44:11

E ke tuku ke motou solomuli i mua o le fili, Ti ko latou ala e vesia kia matou e kaia ia a koloa o omatou kau mate.

Pesalemo 44:22

Pe leaise iloa loa a ia e le Atua, Leia e iloa ia a manatu fakapulipuli o le loto ?

Esaia 53:7

Na fakaveliveli a ia mo fakamamae, Kae na leaise fakamavaa fua e ia lona gutu, Ofaipe se akeno leia e taki ki le fale tamate manu, Se ovi fafine gutu mate i mua o latou ala e koti ia a ia ; Na leaise fakamavaa fua e ia lona gutu.

Selemia 11:19

Na kau faipe se akeno lalata leia e ave ki le fale tamate manu, Ti na leaise kau iloa alotou fakatuutuu veveli na lotou fai kiate au : Tou maumaui le laakau mo lona fua ! Tou tuuti a ia i le kele o le kau mauli, Ti ke aua na toe manatu ki lona igoa !

Selemia 12:3

Kae ko koe, Eteleno, e ke iloa au ; E ke tio kiate au, e ke ului loku loto leia e nofo mo koe. Too latou ofaipe ni ovi ala e tonu ke tamate, Ti ke teuteu latou ki le aso tamatea lasi !

Selemia 51:40

E kau fakaifo loa latou ofaipe ni akeno ki le fale tamate manu, Ofaipe ni ovi tagata mo ni koti tagata.

Soane 16:2

E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 8:32

Ko le koga tosi leia o le Tosi tapu na lau e ia ko ia leinei : Na taki a ia ofaipe se ovi fafine ki le fale tamate manu ; Ti, ofaipe se akeno gutu mate i mua o leia e koti ia a ia, Na leaise fakamavaa fua e ia lona gutu.

Uluaki tosi ki le kau Kolinto 15:30

Ti ko matou, kolea e motou teiteiki ai omatou mauli i ola fuli ?

Uluaki tosi ki le kau Kolinto 15:31

I le aso taki tasi e fakaali au ki le mate, e kau fakasa atu, fetaina, i le kololia leia e kau maua o tupu ko kotou ia Sesu-Kilisito lotatou Aliki.

Uluaki tosi ki le kau Kolinto 4:9

Talie, e sakinake kiate au, kua tuku e le Atua matou ko apositolo ko le kau mulimuli oki i tagata fuli, ofaipe ni kau tua ki le mate, talie kua motou liliu ko ni nea manogii a le malama nei, mo le kau aselo, ti mo tagata.

Lua tosi ki le kau Kolinto 1:9

Kae na ma tio kua tuku maoki maua ki le mate, o tupu ke aua na ma fanaki kia maua totonu, kae ki le Atua leia e toe fakatuuake ia le kau mate.

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Lua tosi ki le kau Kolinto 6:9

ofaipe ni tagata e leaise iloa, kae e iloa malie maua ; ofaipe ni tagata kua mamate, ti ko leinei e ma mauuli ; ofaipe ni tagata e tautea, kae e leaise tamate ;

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,