Loma 8:35 - Tosi Tapu

³⁵ Ko ai ka fakamavae ia loa tatou mei le alofa o Kilisito ? Pe ko le masaki loa, pe ko le mamae, pe ko le fakaveliveli, pe ko le fia kai, pe ko le mativa, pe ko le tutamaki, pe ko le seleta ?

Loma 8:35 ပူးပေါင်းရင်းမြစ်များ

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Katiko o Katiko 3:4

Na kau fakasili atu fai ia latou, Ti na kau maua leia e alofa ki ai loku loto ; Na kau kukumi a ia, ti na leaise kau toe tuku ake a ia O kaku ki laku fakaulu a ia ki le fale o loku tinana, Ki le kogafale o leia na fanaui ia au.

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Soane 10:28

E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima.

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Loma 2:9

Ko le tautea mo le mamae ki tagata fuli ala e fai ia le veli, o muamua ki le Sutea ti mo le Keleka foki !

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Loma 8:37

Kae i nea fuli ana, e motou malo lasi i leia e alofa kia tatou.

Loma 8:39

pe ko makeke, pe ko le taualuga, pe ko le loloto, pe ko se tasi ake a nea na fakatupu, e mafai ia loa ke fakamavae ia tatou i se aso mei le alofa o le Atua, leia kua fakasa kia tatou ia Sesu-Kilisito lotatou Aliki.

Uluaki tosi ki le kau Kolinto 4:11

O kaku mai ki le ola nei, e motou fia kai, mo fia inu, mo telefua ; ti e sasa matou, ti e motou taka i le ala ;

Uluaki tosi ki le kau Kolinto 4:12

e motou pakia i le gaoi ki omatou lima ; nukinukii, kae motou tapuaki ; fakavelivelii, kae motou kataki ;

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Lua tosi ki le kau Kolinto 4:8

Talie kua taomi maua e mamae kesekese, kae leaise ma taomia ; tuania, kae leaise loto gaegae ;

Lua tosi ki le kau Kolinto 4:9

fakavelivelii, kae e leaise tiaki ; ti ki le kele, kae leaise tamate.

Efeso 3:19

ti ke kotou iloa le alofa o Kilisito, leia e fakalaka i iloa fuli, o tupu ke kotou apele o kaku ki le apeleaga katoa o le Atua.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,