Loma 8:24 - Tosi Tapu

²⁴ Talie na saofaki tatou e le amanaki malie. Kae ko le amanaki malie leia e tou tio ki ai e leaise ko se amanaki : Ko le nea leia e tou tio ki ai, pe mafai ke tou toe amanaki ki ai ?

Loma 8:24 ပူးပေါင်းရင်းမြစ်များ

Pesalemo 146:5

Manuia le tagata leia e maua ia lona tokoi i le Atua o Sakopo, Leia e tuku ia lana amanaki malie ki le Eteleno, lona Atua !

Pesalemo 33:18

Ko leinei, e tio a mata o le Eteleno kia latou ala e i kiate ia, Kia latou ala e amanaki malie ki lona agamalie,

Pesalemo 33:22

Eteleno ! Ke nofo lou kalasia ia matou, Talie e motou amanaki malie kiate koe !

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Selemia 17:7

Manuia le tagata leia e fanaki ki le Eteleno, Ti ko lona amanaki malie ko le Eteleno !

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Loma 12:12

Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 15:4

Talie ko nea fuli ala na tosi fakatomua, na tosi ki lotatou akoi, o tupu ke tou maua ai le amanaki malie, i le kataki fualoa ti mo le fakapelepele leia e soli e le Tosi.

Loma 4:18

Ti na amanaki malie a ia, kae kua oki a amanaki fuli, na tui a ia ti kua liliu a ia ko le tamana o ni puleaga mauke ai, o mulimuli ki le nea leia na fakasa kiate ia : E fenaaki loa lou sakoga.

Loma 5:2

iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua.

Loma 8:20

Talie na fakataulaloi le malama nei ki le vaiga, kae na leaise loto a ia ki ai, e leia na tuku ia a ia ki ai,

Uluaki tosi ki le kau Kolinto 13:13

I le aso nei e tuu mau a nea anei e tolu : Le tui, mo le amanaki malie, ti mo le alofa ; kae ko leia e lasi ake i nea ana, ko le alofa.

Lua tosi ki le kau Kolinto 4:18

se fua malie lee gato o le kololia, talie e ma tio, o leai ki nea ala e tio ki ai a mata, kae ki nea ala e leaise tio ki ai a mata ; talie ko nea ala e tio ki ai a mata e fakatemi ; kae ko nea ala e leaise tio ki ai a mata e lee gato.

Lua tosi ki le kau Kolinto 5:7

talie e ma saele i le tui, kae leai i le tio ;

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 1:5

o tupu ko le amanaki malie leia kua taofi atu ma koutou i le atu lagi, ti kua fakasa atu kia koutou i mua e le folafola o le maoki, le folafola o le Evaselio.

Uluaki tosi ki le kau Tesalonika 5:8

Kae ko tatou ala e kau i le ao, tou fakapotopoto, tou kofu le kofu tau o le tui mo le alofa, ti tou too le puloga tau o le amanaki malie o le fakamauli.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Tito 3:7

o tupu ke fakamatatonu tatou ki lona kalasia, ti ke tou mau tofiga le mauli lee gato leia e tou amanaki malie ki ai.

Epelo 11:1

Io, ko le tui ko se iloa papau o nea ala e amanaki ki ai, ko se fakamaoki o nea ala e leaise tio ki ai.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.