Loma 8:23 - Tosi Tapu

²³ Ti e leaise gato fua iate ia, kae ko tatou foki, a nei e maua ia a uluaki fua o le Laumalie, e tou fetagisi i otatou loto, o talitali ki lotatou fufui ti mo le saofaki o otatou tino.

Loma 8:23 ပူးပေါင်းရင်းမြစ်များ

Lua tosi o Koloniko 31:5

I le mafola o le logologo lena i le kakai, na soli loa e fanau a Iselaele a uluaki fua o le fulumeto, mo le vino, mo le lolo, mo le meli ti mo fua fuli o faisaga, o lasi ai ; na lotou aumai foki o lasi le vaega kau agafulu o nea fuli.

Luka 20:36

Talie e leaise mafai loa ke lotou toe mate, talie e lotou tatau loa mo le kau aselo, ti e lotou liliu loa ko vosa o le Atua, talie ko vosa latou o le toe tuuake.

Luka 21:28

Ka kamata soko mai loa a nea ana, kotou tuu fakasako, ti kotou lagai ki aluga okoutou mata, talie kua ofi mai lokoutou saofaki.

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Loma 5:3

Ti e leaise gato i ai, e tou fiafia foki i mamae, talie e tou iloa e tupu mei le mamae le kataki fualoa,

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 7:24

Tagata fakaaloalofa ko au ! Ko ai e saofaki ia loa au mei le tino mate leinei ?…

Loma 8:19

Koia e talitali ai le malama nei mo se oli mamae ki le fakasa o vosa o le Atua.

Uluaki tosi ki le kau Kolinto 1:7

Koia e leaise koi puli fua ia koutou se nea alofa, koutou ala e talitali ki le fakasa o lotatou Aliki ko Sesu-Kilisito.

Lua tosi ki le kau Kolinto 1:22

leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Lua tosi ki le kau Kolinto 7:5

Talie, talu loma kaku mai ki Masetonia nei, na leaise maua fua e oma tino se malolo ; na ma tali a mamae kesekese : tau i tafa, tuania i loto.

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Efeso 1:14

leia ko se fakamaoki o lotatou tofiga, ki le aso leia e katoa ai loa le saofaki o latou ala na totogi e le Atua ma ana, ke fakavikiviki ki lona kololia.

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Efeso 5:9

Talie ko le fua o le malama ko agamalie fuli, mo faitotonu fuli, ti mo maoki.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.