Loma 8:2 - Tosi Tapu

² Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Loma 8:2 ပူးပေါင်းရင်းမြစ်များ

Pesalemo 51:12

Ei Atua ! Fakatupu iate au se loto mea, Fakafoou iate au se loto malie.

Esekiele 1:21

Ka saele a manu, ti toe saele a fa teka ; ka lotou tuu, ti e toe tuu foki a fa teka ; ka lotou malaga ki aluga i le kele, ti e toe malaga foki ki aluga a fa teka i le kele mo latou, talie na nofo le laumalie o manu i fa teka.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Soane 8:32

ti e kotou iloa loa le maoki, ti e fakalauatea loa koutou e le maoki.

Soane 8:36

Koia kapau e fakalauatea koutou e le Vosa, e kotou lauatea maoki loa.

Loma 16:3

Avake oku alofa kia Pelesila mo Akilasi, ko oku kaukau gaoi ia Sesu-Kilisito,

Loma 3:27

Kofea loa le tupuaga o le fakakololia ? Kua oki a ia i le too. E le lao fea ? E le lao o gaoi ? Leai, kae kua too a ia e le lao o le tui.

Loma 5:21

o tupu, ke faipe le agasala leia na pule ki le mate, ke toe pule foki le kalasia i le faitotonu leia e taki ia ki le mauli ia Sesu-Kilisito ko lotatou Aliki.

Loma 6:14

Talie e leaise maua loa e le agasala se pule kia koutou, talie e leaise kotou nonofo i le lao, kae i le kalasia.

Loma 6:18

Kua oki koutou i le fakalauatea mei le agasala, kua kotou liliu o popula ki le faitotonu.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 7:21

Koia e kau maua iate au le lao leinei : Ka kau loto ke fai le nea e malie, e kau fai fua le veli.

Loma 7:23

kae e kau tio i oku koga tino ki se tasi ake a lao leia e tau ki le lao o loku loto, ti e fakapopula ia au ki le lao o le agasala leia e nofo i oku koga tino.

Loma 7:4

Koia, ei oku fetaina, ko koutou foki, kua kotou mamate, i le tino o Kilisito, ki nea o le lao, o tupu ke kotou fakalogo ki se tasi ake, ki leia kua toe tuuake mei le kau mate, talie ke tou maua ni fua ki le Atua.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Lua tosi ki le kau Kolinto 3:17

Ti ko le Aliki ko le Laumalie ; ti i le ganea leia e i ai le Laumalie o le Aliki, e i ai foki le lauatea.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Kalate 2:19

Talie ko le lao leia kua kau mate ai ki le lao, o tupu ke kau mauli ki le Atua.

Kalate 5:1

Koia, kua fakalauatea tatou e Kilisito ke tou lauatea maoki, kotou tuu mau i ai, ti aua na kotou toe tuku ke taomi koutou e le amoga o le popula.

Kalate 6:2

Kotou feamoaki a koutou kavega, ti e kotou fakasoko loa i ai le lao a Kilisito.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Apokalipisi 11:11

I le oki o aso e tolu mo le vaelua, na ulu loa kia laua se laumalie o le mauli leia na au mei le Atua, ti na la tutuu loa i ola vae ; ti na vilo loa se i lasi kia latou ala na tio kia laua.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,