Loma 8:19 - Tosi Tapu

¹⁹ Koia e talitali ai le malama nei mo se oli mamae ki le fakasa o vosa o le Atua.

Loma 8:19 ပူးပေါင်းရင်းမြစ်များ

Esaia 65:17

Talie e kau fakatupu loa se lagi foou Mo se kele foou ; E leaise toe manatu loa ki nea kua sili, E leaise lotou toe au loa ki le loto.

Mateo 5:9

Manuia latou ala e ave ia le tokamalie, talie e fakaigoa loa latou ko vosa o le Atua !

Soane 1:12

Kae kia latou fuli ala na tali ia a ia, kia latou ala e tui ki lona suafa, na soli e ia le pule ke liliu ko fanau a le Atua, ala kua tupu,

Gaoi 3:21

leia e tonu ke tali e Selo o kaku ki aso o le toe fakafoou o nea fuli, leia na masau ki ai le Atua i le gutu o ana polofeta maokioki o le temi mua.

Loma 8:14

Talie ko latou fuli ala e taki e le Laumalie o le Atua ko vosa o le Atua.

Loma 8:16

E fakamaoki le Laumalie totonu ki lotatou laumalie ko tatou ko fanau a le Atua.

Loma 8:18

E kau pati, e leaise gali ke fakatatau a mamae o le temi nei ki le kololia ka au, leia ka fakasa loa kia tatou.

Loma 8:23

Ti e leaise gato fua iate ia, kae ko tatou foki, a nei e maua ia a uluaki fua o le Laumalie, e tou fetagisi i otatou loto, o talitali ki lotatou fufui ti mo le saofaki o otatou tino.

Loma 9:26

ti i le ganea leia e pati ai kia latou : E leaise ko koutou ko loku kakai ! E fakaigoa loa latou ko vosa o le Atua mauli.

Uluaki tosi ki le kau Kolinto 1:7

Koia e leaise koi puli fua ia koutou se nea alofa, koutou ala e talitali ki le fakasa o lotatou Aliki ko Sesu-Kilisito.

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Filipe 1:20

o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Kolose 3:4

Ka sa mai loa Kilisito, ko lokoutou mauli, e kotou sa loa mo ia i le kololia.

Epelo 12:27

Ko kupu anei : " i se tasi faiaga " e fakasa ia le fetogi o nea ala kua lui, o sakinake na fakatupu latou o fakatemi, kae ke tuu o talu oki a nea ala e leaise mafai ke lui.

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.