Loma 8:17 - Tosi Tapu

¹⁷ Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Loma 8:17 ပူးပေါင်းရင်းမြစ်များ

Mateo 16:24

Na pati loa Sesu ki ana tisipulo : Ko leia e fia muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Luka 24:26

Pe na leaise tonu ai ke mamae le Kilisito i nea ana, ti ulu loa ki lona kololia ?

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Loma 5:17

Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Uluaki tosi ki le kau Kolinto 2:9

Kae, ofaipe lona tuu i le tosi : Ko ni nea ala na leaise tio ki ai le mata, ti na leaise logo ki ai le taliga, ti na leaise ulu ki le loto o le tagata, ko ni nea ala na teuteui e le Atua kia latou ala e alofa kiate ia.

Lua tosi ki le kau Kolinto 1:5

Talie kapau e lasi mamae o Kilisito ia maua, e toe lasi foki loma fakafimalie ia Kilisito.

Lua tosi ki le kau Kolinto 1:7

Ti e tuu makeke lama amanaki malie kia koutou, talie e ma iloa, kapau e kotou kau i mamae, ti e kotou toe kau foki ki le fakafimalie.

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.

Kalate 4:7

Koia e leaise koi ke popula ai, kae ko se vosa a koe ; ti kapau ko se vosa a koe, e ke mau tofiga foki i le kalasia o le Atua.

Efeso 3:6

Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Filipe 1:29

ti e au le nea lena mei le Atua, talie kua tuku atu kia koutou le kalasia, o tupu ko Kilisito, ke aua na gato fua i lakotou tui kiate ia, kae ke kotou toe mamae foki o tupu ko ia,

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Tito 3:7

o tupu ke fakamatatonu tatou ki lona kalasia, ti ke tou mau tofiga le mauli lee gato leia e tou amanaki malie ki ai.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Epelo 6:17

Koia, i le loto o le Atua ke fakasa lasi kia latou ala e tonu ke maua ia le tofiga o le fakapapau, e leaise toe fetogi loa e ia lana fakapapau, ti na fakamaoki loa e ia a ia ki se sai,

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 1:4

ti mo se tofiga leia e leaise mafai ke popo, pe kelekele, pe fefe, ti kua taofi atu kia koutou i le atu lagi,

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.