Loma 7:7 - Tosi Tapu

⁷ Kolea loa latatou pati ? Pe agasala le lao ? Leai ai ! Kae ka na aua le lao, na leaise kau iloa le agasala. Talie na leaise mafai ke kau iloa le manumanu, mo ka na leaise pati le lao : Aua na ke manumanu loa.

Loma 7:7 ပူးပေါင်းရင်းမြစ်များ

Senesi 3:6

Ti na tio loa le fafine na malie le laakau ki le kai, mo fulumalie ki le mata, ti mo mauiga ki le fakamavaa o le atamai. Na taui loa e ia se fa fuai laakau, o kai, ti na toe soli foki e ia ki lona avaga, leia na tuu i ona tafa, ti na kai loa a ia ki ai.

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Pesalemo 119:96

E kau tio ki ni gatoaga o nea fuli e saosaoa : Kae ko au folafola, e leai solatou gatoaga.

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Mikea 2:2

E lotou manumanu ki ni faisaga, ti e lotou too fakamakeke latou ; Ni fale, ti e lotou too fakamakeke latou ; E lotou too fakamakeke le tagata mo lona famili, Le tagata mo lona tofiga.

Mateo 5:28

Kae ko au, e kau pati atu kia koutou, ko leia e tio ki se fafine ti manumanu a ia ki ai, kua tono a ia mo le fafine lena i lona loto.

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Luka 20:16

E au loa a ia, ti e tamate loa e ia a tagata faivite ana, kae soli loa e ia le vite ki ni iki ake. I le logo a le kakai ki le nea lena, na lotou pati loa : E leaise fenaaki loa !

Gaoi 20:33

Ti na leaise kau manumanu ki se paaga, pe ki se aulo, pe ki ni kofu o se tasi.

Loma 13:9

Koia ko fakatotonu : Aua na ke tono loa, aua na ke tukipo loa, aua na ke kaia loa, aua na ke manumanu loa, ti mo iki atu fakatotonu, e fakatoetoe fuli i le folafola leinei : E ke alofa loa ki lou oloi ofaipe koe totonu.

Loma 3:20

Talie e leaise fakamatatonu loa se tasi i mua o le Atua e gaoi o le lao, talie e tupu mei le lao le iloa o le agasala.

Loma 3:5

Kae kapau e sa i latatou lee faitotonu le faitotonu a le Atua, kolea loa latatou pati ? Pe leaise faitotonu le Atua mo ka liligi e ia lona sausau ? (E kau masau ofaipe masau a tagata).

Loma 4:1

Kolea loa latatou pati kia Apalaamo lotatou tamana fakatino ? Kolea na maua e ia ?

Loma 4:15

Talie e fakatupu e le lao le sausau o le Atua ; kae i le ganea e leaise maua ai se lao, e leaise maua ai foki se sala ki le lao.

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,

Loma 6:15

E a koia ! Pe tou agasala loa talie e leaise tou nonofo i le lao, kae i le kalasia ? Leai ai !

Loma 7:11

Talie ko le agasala, i lana too le faigamalie o le fakatotonu, na fakasese ia au, ti na tamate ia au.

Loma 7:13

Pe kua liliu le nea leia e malie ko se mateaga kiate au ? E leai ai ! Kae ko le agasala, o tupu ke sa a ia ko le agasala i lana tuku mai kiate au le mate i le nea e malie, e liliu o toe asilisili agasala.

Loma 7:5

Talie, i le temi leia na tou mauli ai i le kanofi, ko oli fakavale o agasala, ala na tupu mei le lao, na gaoi i otatou koga tino, ke tou maua ai ni fua ki le mate.

Loma 7:8

Ti ko le agasala, i lana too le faigamalie, na fakatupu iate au o tupu ko le fakatotonu o le lao, a manumanu kesekese fuli ; talie sala lao e mate le agasala.

Uluaki tosi ki le kau Kolinto 15:56

Ko le pule o le mate ko le agasala ; ti ko le makeke o le agasala ko le lao.

Efeso 5:3

Ke aua na masau fua ia koutou ki le fai feauaki, mo nea fakakelekele fuli, mo le manumanu, talie e leaise gali a ia mo le kau sagato.

Tetelonome 5:21

Ke aua na ke oli loa ki le avaga o lou oloi ; ke aua na ke manumanu loa ki le fale o lou oloi, pe ko lana faisaga, pe ko lana tagata fakasausau, pe ko lana fafine fakasausau, pe ko lana pipi tagata, pe ko lana asino tagata, pe ko se nea fua o lona fale.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Uluaki tosi ki le kau Tesalonika 4:5

kae tuku lakoutou fai a oli fakavale o le tino, ofaipe le fai a le kau pagani ala e leaise iloa ia le Atua ;

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Sosue 7:21

Na kau tio i le koloa o le tau ki se taupulupulu fulumalie mei Mesopotamia, mo ni fa sikele paaga e kau lelau lua, ti mo se potu aulo e kau lima sikele. Na kau manumanu loa ki nea ana, ti na kau too loa latou. Ko leinei latou kua tanu i le kele, i loto o loku falela, ti kua tautafa le paaga ki lalo.