Loma 7:6 - Tosi Tapu

⁶ Kae i le temi nei, kua fakamavae tatou mei le lao, talie kua tou mamate ki le lao lena na tou pikiia ai, o tupu ke tou tausi i se loto foou, kae e leai i le matai tosi leia kua matua.

Loma 7:6 ပူးပေါင်းရင်းမြစ်များ

Esekiele 11:19

E kau soli loa kia latou se loto e tasi, Ti e kau tuku loa kia koutou se laumalie foou ; E kau too loa i olatou tino le mafu fatu, Ti e kau soli loa kia latou se mafu kanofi,

Esekiele 36:26

E kau soli loa kia koutou se loto foou, ti e kau tuku loa kia koutou se laumalie foou ; e kau too loa ia koutou le mafu fatu, ti e kau tuku loa kia koutou se mafu kanofi.

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 6:11

Koia ko koutou totonu, ke kotou tio ai kia koutou kua kotou mate maoki ki le agasala, ti kua kotou mauli ki le Atua ia Sesu-Kilisito.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Loma 6:2

E leai ai ! Ko tatou ala kua mate ki le agasala, e feaki loa ke tou toe mauli i le agasala ?

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 6:4

Koia i le papitema kua tou tanu fakatasi mo ia i lona mate, o tupu, i le toe tuuake o Kilisito mei le kau mate i le kololia o le Tamana, ke tou saele, mo tatou foki, i se mauli foou.

Loma 7:1

Fetaina, pe leaise kotou iloa, e kau masau ki ni tagata ala e iloa ia le lao, e pule le lao ki le tagata i le temi leia e mauli ai ?

Loma 7:2

Koia e sai le fafine avaga ki lona avaga e le lao i le temi katoa e mauli ai lona avaga ; kae kapau e mate le tagata, e lauatea loa le fafine mei le lao leia na sai ia a ia ki lona avaga.

Loma 7:4

Koia, ei oku fetaina, ko koutou foki, kua kotou mamate, i le tino o Kilisito, ki nea o le lao, o tupu ke kotou fakalogo ki se tasi ake, ki leia kua toe tuuake mei le kau mate, talie ke tou maua ni fua ki le Atua.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 4:24

ti ke kotou kofu le tagata foou, leia na fakatupu ke tatau mo le Atua i se faitotonu mo se maokioki ala e au mei le maoki.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.