Loma 7:24 - Tosi Tapu

²⁴ Tagata fakaaloalofa ko au ! Ko ai e saofaki ia loa au mei le tino mate leinei ?…

Loma 7:24 ပူးပေါင်းရင်းမြစ်များ

Uluaki tosi o Sau 8:38

kapau e fai loa e se tagata, pe ko lou kakai katoa ko Iselaele, ni kole mo ni tagi, ti kapau e iloa loa e le tagata taki toka tasi le malaia o lona loto ti falo loa ona lima ki le fale leinei,

Pesalemo 102:20

Talie e tio a ia mei le ganea taualuga o lona maokioki ; Mei aluga o le atu lagi, e tio le Eteleno ki le malama nei,

Pesalemo 119:131

E kau fakamavaa loku gutu ti e kau tukumanava Talie e kau fia kai ki au folafola.

Pesalemo 119:143

E kau maua e le mamae mo le tuania ; Kae e kau fiafia i au folafola.

Pesalemo 119:176

E kau sese ofaipe se ovi na puli : afa lau tagata fakasausau, Talie e leaise galo fua au folafola iate au.

Pesalemo 119:20

Kua fatii loku laumalie, O tupu ko lana oli tuumau ki au lao.

Pesalemo 38:2

Eteleno ! Aua na ke fakatua au i lou sausau, Ti aua na ke tautea au i lou ita lasi.

Pesalemo 6:6

Talie e leaise toe manatu kiate koe leia kua mate. Ko ai e fakafetai loa kiate koe i le nofoaga o le kau mate ?

Pesalemo 71:11

O pati : Kua tiaki a ia e le Atua ; Kotou tuli a ia, kotou tapo a ia ; e leaise tasi ke saofaki ia a ia.

Pesalemo 72:12

Talie e saofaki loa e ia le mativa leia e tagi, Ti mo le tagata fakaaloalofa leia e leaise maua ia se tokoi.

Pesalemo 88:5

Kua tuku au ki le atu o latou ala e ifo ki le popoko, Kua kau faipe se tagata leia e leaise koi maua sona makeke.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Mikea 7:19

E toe manava alofa loa a ia kia matou, E tuku loa e ia ki lalo o ona vae amatou agaveli ; E ke ti loa ki le takele o le moana alatou agasala fuli.

Mateo 5:4

Manuia latou ala e loto mamae, talie e fakapelepelei loa latou !

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Loma 8:23

Ti e leaise gato fua iate ia, kae ko tatou foki, a nei e maua ia a uluaki fua o le Laumalie, e tou fetagisi i otatou loto, o talitali ki lotatou fufui ti mo le saofaki o otatou tino.

Loma 8:26

Ti e tokoi mai foki le Laumalie kia tatou i lotatou gaegae, talie e leaise tou iloa le nea leia e malie ke tou kole i atatou faikole. Kae e faikole le Laumalie totonu kia tatou i ni tagi e leaise mafai ke fakasa e ni kupu.

Kolose 2:11

Ti kua silikosisio foki koutou iate ia ki se silikosisio leia na leaise fai e le lima o tagata, kae ki le silikosisio a Kilisito, leia ko le fakamativa o le tino fakakanofi :

Lua tosi kia Timoteo 4:18

Ti e saofaki loa au e le Aliki mei gaoi veveli fuli, ti e fakamauli loa e ia au, o fakaulu ki lona puleaga i le lagi. Kiate ia le kololia i sekulo mo sekulo ! Amene !

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 2:15

kae ke fakamauli e ia latou fuli ala na popula i le i ki le mate, i lolatou mauli katoa.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.