Loma 7:23 - Tosi Tapu

²³ kae e kau tio i oku koga tino ki se tasi ake a lao leia e tau ki le lao o loku loto, ti e fakapopula ia au ki le lao o le agasala leia e nofo i oku koga tino.

Loma 7:23 ပူးပေါင်းရင်းမြစ်များ

Pesalemo 142:7

Tokaga mai ki aku tagi ! Talie e kau mamae ai. Saofaki au ia latou ala e tuli ia au ! Talie e lotou makeke ake iate au.

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Loma 7:14

Io, e tou iloa ko le lao e fakalaumalie ; kae ko au, e kau kanofi, ti kua fakatau au ke popula ki le agasala.

Loma 7:21

Koia e kau maua iate au le lao leinei : Ka kau loto ke fai le nea e malie, e kau fai fua le veli.

Loma 7:25

Ke fakafetai ki le Atua ia Sesu-Kilisito lotatou Aliki !… Koia, i loku loto e kau popula ki le lao a le Atua, kae i loku kanofi e kau popula ki le lao o le agasala.

Loma 7:5

Talie, i le temi leia na tou mauli ai i le kanofi, ko oli fakavale o agasala, ala na tupu mei le lao, na gaoi i otatou koga tino, ke tou maua ai ni fua ki le mate.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Kalate 5:17

Talie e fakafesagai a oli o le kanofi ki oli o le Laumalie, ti e fakafesagai a oli o le Laumalie ki oli o le kanofi ; e lotou fefakafesagaiaki ia latou, o tupu ke aua na kotou fai le nea leia e kotou loto ki ai.

Epelo 12:4

Talie na leikiaise kotou fakafesagai o kaku ki le mate, o tau ki le agasala.

Sakopo 3:2

Talie e tou tukia fuli i nea kesekese. Kapau e leaise tukia se tasi i ana masau, ko se tagata saosaoa a ia, kua mafai e ia le taofi o lona tino katoa.

Sakopo 4:1

E au meifea a tau, ti e au meifea a fefele ia koutou ? Pe leaise ko okoutou oli fakavale ala e tau i okoutou koga tino ?

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.