Loma 7:15 - Tosi Tapu

¹⁵ Talie e leaise kau matala ki le nea leia e kau fai : E leaise kau fai le nea leia e kau loto ki ai, ti e kau fai le nea leia e kau vesia ki ai.

Loma 7:15 ပူးပေါင်းရင်းမြစ်များ

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Pesalemo 1:6

Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Pesalemo 101:3

E leaise kau tuku loa se nea veli i oku mua ; E kau vesia ki le mauli o le kau agasala ; E leaise pipiki mai loa a ia kiate au.

Pesalemo 119:104

E kau liliu o atamai i au fakatotonu, Koia e kau vesia ai ki ala fuli o le loi.

Pesalemo 119:113

E kau vesia ki tagata lotolotolua, Kae kau alofa ki lau lao.

Pesalemo 119:128

Koia e kau pati ai e totonu au fakatotonu fuli ; Ti e kau vesia ai ki ala fuli o le loi.

Pesalemo 119:163

E kau vesia, e kau fakalialia ki le loi ; Kae kau alofa ki lau lao.

Pesalemo 119:32

E kau makape i le ala o au lao, Talie e ke fakalaulasi loku loto.

Pesalemo 119:40

Ko leinei, e kau fia fai au fakatotonu : Tuku ke kau mauli i lou faitotonu !

Pesalemo 19:12

E ako foki e lau tagata fakasausau a nea ana ; E lasi le fakapale o leia e tausi ia latou.

Pesalemo 36:4

Ko masau o lona gutu ko le loi mo le kaka ; E fakafiti a ia ki le poto mo le malie.

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Pesalemo 97:10

Koutou ala e alofa ki le Eteleno, kotou vesia ki le veli ! E taupau e ia a laumalie o lana kau agatonu, E saofaki e ia latou i le lima o le kau agaveli.

Taagapati 13:5

E vesia le tagata agatonu ki le loi ; Ti e fai e le tagata agaveli ni nea fakalumaluma.

Taagapati 8:13

Ko le i ki le Eteleno, ko le vesia a ia ki le veli ; Ko le fia nealasi mo le fia taualuga, ko le ala a ia o le veli ; Ti ko le gutu veli, ko lena le nea e kau vesia ki ai.

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Naume 1:7

E agamalie le Eteleno, Ko se mumuniaga a ia i le aso o le mamae ; E iloa e ia latou ala e fanaki kiate ia.

Luka 11:48

Koia e kotou liliu ai loa ko ni tagata fakamaoki ki gaoi o okoutou tupuaga, talie na lotou tamate le kau polofeta, ti e kotou fau olatou tanuma.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Loma 14:22

E ke maua le tui lena, taupau a ia ma au i mua o le Atua. Manuia leia e leaise fakalakasala ia a ia totonu i le nea leia e fakamaoki a ia ki ai !

Loma 7:16

Ti kapau e kau fai le nea leia e leaise kau loto ki ai, e kau fakamaoki e malie le lao.

Kalate 5:17

Talie e fakafesagai a oli o le kanofi ki oli o le Laumalie, ti e fakafesagai a oli o le Laumalie ki oli o le kanofi ; e lotou fefakafesagaiaki ia latou, o tupu ke aua na kotou fai le nea leia e kotou loto ki ai.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.

Sakopo 3:2

Talie e tou tukia fuli i nea kesekese. Kapau e leaise tukia se tasi i ana masau, ko se tagata saosaoa a ia, kua mafai e ia le taofi o lona tino katoa.

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.