Loma 7:11 - Tosi Tapu

¹¹ Talie ko le agasala, i lana too le faigamalie o le fakatotonu, na fakasese ia au, ti na tamate ia au.

Loma 7:11 ပူးပေါင်းရင်းမြစ်များ

Senesi 3:13

Ti na pati loa le Eteleno Atua ki le fafine : Kolea na ke fai ai le nea lena ? Na tali loa le fafine : Na kakaai au e le gata, o kau kai loa ki le fua o le laakau.

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Selemia 49:16

Ko lou fia makeke, mo le fia nealasi o lou loto na fakasese ia a koe, A koe leia e nofo i pu o utu, Ti e maua ia le tumutumu o mauga liliki. Ka ke fakatuu loa lou ofaga ke taualuga ofaipe leia o le akuila, E kau fakaifo loa a koe mei ai ki lalo, e pati le Eteleno.

Apetiasi 1:3

Na fakasese a koe e le fia nealasi o lou loto, A koe leia e nofo i pu o utu, Leia e ekeeke i potu taualuga, Leia e pati i lou loto : Ko ai e fakaifo ia loa au ki lalo ?

Loma 3:20

Talie e leaise fakamatatonu loa se tasi i mua o le Atua e gaoi o le lao, talie e tupu mei le lao le iloa o le agasala.

Loma 7:13

Pe kua liliu le nea leia e malie ko se mateaga kiate au ? E leai ai ! Kae ko le agasala, o tupu ke sa a ia ko le agasala i lana tuku mai kiate au le mate i le nea e malie, e liliu o toe asilisili agasala.

Loma 7:8

Ti ko le agasala, i lana too le faigamalie, na fakatupu iate au o tupu ko le fakatotonu o le lao, a manumanu kesekese fuli ; talie sala lao e mate le agasala.

Efeso 4:22

Koia e tonu ai ke kotou tiaki lokoutou natula mago leia e pala i oli veveli kaka,

Epelo 3:13

Kae kotou feakonakiaki ia koutou i aso taki tasi, i le temi katoa koi mafai ai ke pati : I le aso nei ! talie ke aua na fakafefeka se tasi o koutou e le kaka o le agasala.

Sakopo 1:22

Kotou fai le folafola, kae aua fai na gato i lakotou logo ki ai, o kotou kakai ai koutou totonu ki ni fakakaukau sala.

Sakopo 1:26

Kapau e manatu se tasi e tausi lotu a ia, kae e leaise taofi e ia lona alelo, mo kakai e ia lona loto totonu, e leaise aoga le lotu o le tagata lena.