Loma 6:6 - Tosi Tapu

⁶ o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Loma 6:6 ပူးပေါင်းရင်းမြစ်များ

Lua tosi o Sau 5:17

Koia na pati ai loa Naamane : Ko leinei e leaise ke tali se nea alofa, fakataga ke soli mai ki lau tagata fakasausau se ga kele mei lou fenua o fakauta ki le kavega a ni osi e lua ; talie e leaise toe loto loa lau tagata fakasausau ke momoli ki ni iki ake atua se failaulau mo se sakilifisio, e momoli loa e ia ki le Eteleno toka tasi.

Esaia 26:13

Eteleno, lomatou Atua, na pule kia matou ni iki ake a pule kese iate koe ; Kae kua motou fetapa ki lou suafa o tupu ko lou alofa toka tasi.

Loma 6:12

Ke aua na toe pule le agasala i lokoutou tino mate, ti ke aua na kotou fakalogo ki ona olioli.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Loma 7:14

Io, e tou iloa ko le lao e fakalaumalie ; kae ko au, e kau kanofi, ti kua fakatau au ke popula ki le agasala.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Lua tosi ki le kau Kolinto 5:14

Talie e ekenaki maua e le alofa o Kilisito, talie e ma iloa kapau na mate se toka tasi ki tagata fuli, ti na mamate a tagata fuli ;

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Kalate 6:14

Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei.

Efeso 4:22

Koia e tonu ai ke kotou tiaki lokoutou natula mago leia e pala i oli veveli kaka,

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.