Loma 6:21 - Tosi Tapu

²¹ Koa a fua ala na kotou maua loa ? Ko ni fua ala kua kotou luma ki ai i le temi nei. Talie ko le fakaokiaga o nea ana, ko le mate.

Loma 6:21 ပူးပေါင်းရင်းမြစ်များ

Uluaki tosi o Sau 2:26

Na pati loa le sau ki le tagata faisakilifisio ko Apiatale : Ano ki ou kele i Anatote, talie e tonu a koe ke mate ; kae e leaise kau tamate loa a koe i le aso nei, talie na ke amo ia le aleka o le Aliki, le Eteleno, i mua o Tavite, loku tamana, ti na ke kau ki mamae fuli o loku tamana.

Esetalasi 9:6

ti na kau pati : Ei loku Atua, e kau nofo i le mafaia ti e kau luma, ei loku Atua, i le tio kiate koe ; talie kua fakalaka amatou agaveli i omatou ulu, ti kua kaku amatou agasala ki le lagi.

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Sopo 40:4

Pe makeke lou lima ofaipe le lima o le Atua, Mo lou leo ofaipe lona leo ?

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Pesalemo 73:17

O kaku ki le temi na kau ulu ai ki sagatualio o le Atua, Ti na kau tokaga ai loa ki le fakaoki o le kau agaveli.

Taagapati 1:31

E lotou kai loa ki le fua o lolatou ala, Ti e lotou makokona loa i alatou tokoi totonu,

Taagapati 14:12

E feala ke totonu se ala ki mata o se tagata, Kae ko lona tauaga ko le ala o le mate.

Taagapati 16:25

E i ai se ala e mata malie ki le tagata, Kae ko lona fakaoki ko le ala o le mate.

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Selemia 12:13

Na lotou muluki le fulumeto, Kae na lotou utu ni vao talatala : Na lotou gaoi pakia kae e leai sona fua. Kotou luma i le nea leia na kotou tuuti, O tupu ko le sausau kaka o le Eteleno.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 31:19

I le oki o laku titua kiate koe, e kau logoi se loto fakasemala ; Ti i le oki o laku fakasa aku sala, e kau papa ki loku tega, E kau luma ti e kau mamae, Talie e kau amo le luma o loku temi tupulaga.

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Esekiele 43:11

Kapau e lotou fakasemala ki alatou agatuu, ti ke fakailo loa kia latou le paaki o le fale tapu leinei, lona fakatuutuu, mo ona katupa, mo ona uluaga, mo ona paaki fuli, mo ona fakatuutuu fuli ; io, ona paaki fuli mo ona lao. Tuku ki olatou mata a paaki kesekese fuli, o tupu ke lotou taupau ona paaki fuli mo ona fakatotonu fuli, ti ke lotou mulimuli katoa ki ai i lona fai.

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Loma 5:12

Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli…

Loma 6:16

Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Loma 7:5

Talie, i le temi leia na tou mauli ai i le kanofi, ko oli fakavale o agasala, ala na tupu mei le lao, na gaoi i otatou koga tino, ke tou maua ai ni fua ki le mate.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Loma 8:6

Ko le tokaga ki nea o le kanofi, ko le mate ; kae ko le tokaga ki nea o le Laumalie, ko le mauli mo le tokamalie.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Lua tosi ki le kau Kolinto 7:11

Ti kua kotou tio ki fua ala na fakatupu e le Atua mei le loto mamae lena, ki le tokaga leia na kotou maua mei ai ! ki le fia fakatokatoka o nea fuli, ki le vesia ki le nea e veli, ki le tuania, ki le oli mamae ke kotou tio kiate au, ki le oli makeke ki se tua leia e totonu ! Na kotou fakasa i nea fuli e kotou mea i le nea lena.

Tetelonome 17:6

E tamate loa leia e tonu ke mate i le fakamaoki a le toka lua pe ko le toka tolu ; e leaise tamate loa a ia i le fakamaoki a se fa toka tasi.

Tetelonome 21:22

Kapau e tamate loa se tagata, leia na fai ia loa se agasala leia e tonu ke fakatuaa ki le mate, o ke tautau loa a ia ki se laakau,

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Epelo 6:8

kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.

Sakopo 1:15

Ti ka faitoe le oli, e fanaui loa e ia le agasala ; ti ka katoa le agasala, e fanaui loa e ia le mate.

Sakopo 5:20

ke kotou iloa ko leia e aumai ia loa se tagata agasala mei le ala leia na sese ai, e fakamauli loa e ia se laumalie mei le mate, ti e ufiufi loa e ia ni agasala mauke ai.

Uluaki tosi a Petelo 4:17

Talie ko leinei kua kamata le fakamaau, ti e kamata a ia i le fale o le Atua. Io, kapau kua kamata a ia kia tatou, e feaki ake loa le fakaoki o latou ala e leaise fakalogo ki le Evaselio a le Atua ?

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.

Apokalipisi 16:6

Talie na lotou liligi ia le toto o le kau sagato mo le kau polofeta, ti kua ke soli kia latou le toto ke lotou inu : Talie e feauga mo latou.

Apokalipisi 20:14

Ti na ti loa le mate mo le nofoaga o le kau mate ki le tai afi. Ko le lua mate ko le tai afi.