Loma 6:16 - Tosi Tapu

¹⁶ Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Loma 6:16 ပူးပေါင်းရင်းမြစ်များ

Senesi 4:7

Kapau e ke fai le nea leia e totonu, ti e toe tuu loa ou mata ki aluga ; kae kapau e ke fai le nea leia e veli, ti e moe loa le agasala i lou mua matapa. E loto a ia ke pule kiate koe, kae ko koe, ke ke pulei a ia.

Mateo 20:4

Na pati loa a ia kia latou : Kotou ano foki ki laku vite, ti e kau soli atu loa kia kotou le nea leia e totonu.

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Soane 8:34

Na tali loa Sesu kia latou : E maoki, e maoki, e kau pati atu kia koutou, ko leia e fai ia le agasala e popula a ia ki le agasala.

Loma 11:2

Na leaise tiaki e le Atua lona kakai, leia na iloa fakatomua e ia. Pe leaise kotou iloa le nea e fakasa e le Tosi o uiga mo Elia, lana tagi leia na fai ki le Atua o uiga mo Iselaele :

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 6:17

Kae ke tuku a fakafetai ki le Atua, talie, i le oki o lokoutou popula ki le agasala, kua kotou fakalogo i le loto ki le lekula o le akonaki leia na tuku atu kia koutou.

Uluaki tosi ki le kau Kolinto 3:16

Pe leaise kotou iloa ko le fale tapu koutou o le Atua, ti e nofo le Laumalie o le Atua ia koutou ?

Uluaki tosi ki le kau Kolinto 5:6

E leaise malie lakotou fakakololia kia koutou ! Pe leaise kotou iloa ko se ga momoi fakatupu e fakatutupu ia le falina katoa ?

Uluaki tosi ki le kau Kolinto 6:2

Pe leaise kotou iloa e fakamaaui loa e le kau sagato le malama nei ? Ti kapau ko koutou ala e fakamaaui ia loa le malama nei, pe leaise gali mo koutou ke kotou fakamaaui a nea liliki ?

Uluaki tosi ki le kau Kolinto 6:3

Pe leaise kotou iloa e tou fakamaaui loa le kau aselo ? Ti kolea e leaise tou fakamaaui ai loa a nea o le mauli leinei ?

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Uluaki tosi ki le kau Kolinto 9:13

Pe leaise kotou iloa ko latou ala e fai ia a gaoi tapu e fagai e le fale tapu, ti ko latou ala e tausi i le aletale e kau ki nea o le aletale ?

Uluaki tosi ki le kau Kolinto 9:24

Pe leaise kotou iloa ko latou ala e makape i le malae fai manogi e makape fuli, kae ko le toka tasi fai leia e maua ia le totogi ? Kotou makape o tupu ke kotou maua a ia !

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.

Lua tosi a Petelo 2:19

e lotou fakapapau kia latou le lauatea kae ko latou totonu ala e popula ki ni aga fakalialia, talie e tasi popula le tagata ki le nea leia kua pule kiate ia.