Loma 6:14 - Tosi Tapu

¹⁴ Talie e leaise maua loa e le agasala se pule kia koutou, talie e leaise kotou nonofo i le lao, kae i le kalasia.

Loma 6:14 ပူးပေါင်းရင်းမြစ်များ

Levitiko 25:41

I le fetuu o le supileo, e mavae loa a ia mei lou fale, a ia mo ana fanau, ti e toe liliu loa a ia ki lona famili, i le kele o ona tamana.

Mikea 7:19

E toe manava alofa loa a ia kia matou, E tuku loa e ia ki lalo o ona vae amatou agaveli ; E ke ti loa ki le takele o le moana alatou agasala fuli.

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 8:36

Koia kapau e fakalauatea koutou e le Vosa, e kotou lauatea maoki loa.

Loma 11:6

Ti kapau na filifili i le kalasia ti e leaise koi filifili loa i gaoi ; talie kapau e leaise fenaaki, ko le kalasia e leaise ko se kalasia loa. Ti kapau na filifili i gaoi ti e leaise ko se kalasia loa, talie kapau e leaise fenaaki, ko le gaoi e leaise ko se gaoi loa.

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Loma 5:17

Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi.

Loma 5:18

Koia, i le sala a se tagata e toka tasi, ko Atama, na tupu ai le tautea o tagata fuli, i le gaoi faitotonu foki a se toka tasi, ko Sesu-Kilisito, na mafola ai le fakamatatonu leia e soli ia le mauli ki tagata fuli.

Loma 6:12

Ke aua na toe pule le agasala i lokoutou tino mate, ti ke aua na kotou fakalogo ki ona olioli.

Loma 6:15

E a koia ! Pe tou agasala loa talie e leaise tou nonofo i le lao, kae i le kalasia ? Leai ai !

Loma 8:12

Koia, fetaina, e leaise tou tuu maua fua ki le kanofi, ke tou toe mauli o mulimuli ki le kanofi.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Kalate 3:23

I mua o le kaku mai o le tui, na leoleo tatou i le pilisoni e le lao, o talitali ki le tui leia e tonu ke fakasa.

Kalate 4:21

Kotou fakasa mai kiate au, e koutou ala e loto ke fakalogo ki le lao, pe leaise kotou logo ki le nea leia e fakasa e le lao ?

Kalate 5:18

Kae kapau e taki koutou e le Laumalie, ti e leaise kotou fakalogo loa ki le lao.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 8:10

Kae ko leinei le sai leia e kau fai loa mo le fale o Iselaele. Ile oki o aso ana, e pati le Aliki : Ekau tuku loa aku lao ki olatou loto, Ti e kau tosi loa latou i olatou mafu, Ti e kau liliu loa ko lolatou Atua, Ti e lotou liliu loa ko loku kakai.