Loma 5:6 - Tosi Tapu

⁶ Talie, i le temi leia na tou nonofo ai sala makeke, na mate Kilisito ki le kau agaveli, i le temi leia na fakatuutuu ki ai.

Loma 5:6 ပူးပေါင်းရင်းမြစ်များ

Pesalemo 1:1

Manuia le tagata leia e leaise saele o mulimuli ki le tokoi a le kau agaveli, Leia e leaise tuu i le ala o le kau agasala, Ti e leaise tonatona fakatasi mo le kau gologolo,

Tagi laulau a Selemia 1:6

Kua puli le kololia katoa o le taine o Sione ; Kua fai ona pule pe ni tia, Ala e leaise koi maua ia se mutie ke kai, Ti kua sosola sala makeke i mua o leia e kapu ia latou.

Taniela 11:15

E saele loa le sau o le noleto, ti e fakatuu loa e ia ni fata ke taui ai a kolo tau, ti e maua loa e ia latou. E leaise feala loa ke tuu a kau tau a le sau o le saute mo lana kau solia makeke : E leaise maua loa solatou makeke ke tuu i mua o le sau o le noleto.

Numelo 7:15

mo se pipi tagata muli, mo se ovi tagata, mo se akeno fetuu tasi, ki le failaulau ;

Loma 11:26

Ti o fakamauli loa a Iselaele katoa, o mulimuli ki le nea e tuu i le Tosi : E au loa le fakamauli mei Sione, Efakamaliu loa e ia meia Sakopo a agasala ;

Loma 4:25

leia na tuku ke mate o tupu ko atatou agasala ti kua toe tuuake o tupu ko lotatou fakamatatonu.

Loma 4:5

kae ka tuku ata e se tagata, sala mo fai ia se gaoi, lana tui ki le Atua, leia e fakamatatonu ia le tagata agasala, e lau e le Atua lana tui ko se faitotonu kiate ia.

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Loma 5:7

E faigataa ai le mate ki se tagata agatonu ; e lagi feala loa ke mate se tasi ki se tagata agamalie.

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Loma 8:34

Ko ai ka tautea ia loa latou ? Ko Kilisito leia na mate ; ti kua toe tuuake foki a ia, ti kua nofo a ia i le fetuu atamai o le Atua, ti e faikole a ia kia tatou !

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 4:4

kae i le kaku mai o le temi leia na fakatuutuu ki ai, na kakau mai loa e le Atua lona Alo, leia na tupu mei se fafine, leia na tupu i le lao,

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Uluaki tosi ki le kau Tesalonika 5:9

Talie na leaise fakatuutuu tatou e le Atua ki le sausau, kae ki le maua o le fakamauli i lotatou Aliki ko Sesu-Kilisito,

Uluaki tosi kia Timoteo 1:9

e tou iloa papau na leaise fakatupu le lao ki le tagata agatonu, kae ki le kau agaveli ti mo le kau patigataa, ki le kau lee tui ki le Atua ti mo le kau agasala, ki le kau lee fakaapaapa ki le Atua mo nea taputapu, ki le kau tukipo tamana mo tinana ti mo tagata fuli,

Tito 2:12

E ako mai e ia kia tatou ke tiaki le aga lee fakaatua mo olioli fakamalama, kae ke tou mauli i le sekulo leinei o mulimuli ki le poto, mo le maokioki, ti mo le agamalie ki le Atua,

Epelo 8:3

Talie ko pule fai sakilifisio fuli, kua fakanofo latou ke lotou momoli ni moliga ti mo ni sakilifisio ; koia na aoga ai kiate ia ke i ai foki sana nea ke momoli.

Epelo 9:26

talie kapau koia ti na tonu loa ke mamae tua mauke Kilisito talu mei le kamataaga o le malama nei. Kae i le temi nei, i le fakaoki o sekulo, na sa a ia o tua tasi ke maumaui ai le agasala ki lona sakilifisio.

Uluaki tosi a Petelo 1:20

leia na fakatuutuu i mua o le fakatupu o le malama nei, ti na fakasa loa i temi fakaoki o sekulo, o tupu ko koutou ;

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Suta 1:15

ke fai se fakamaau ki tagata fuli, ti mo fakamaoki ki tagata agaveli fuli a gaoi veli fuli ala na lotou fai ti mo lauveli fuli ala na lau kiate ia e le kau agasala sala lotu.

Suta 1:18

Na lotou fakasa atu kia koutou, i temi fakamuli e i ai loa ni tagata gologolo, ala e saele o mulimuli ki olatou oli fakalialia ;

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.