Loma 5:5 - Tosi Tapu

⁵ Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 5:5 ပူးပေါင်းရင်းမြစ်များ

Sopo 27:8

Ko le amanaki malie fea leia e toe ki le tagata agasala, Mo ka tuuti e le Atua le va o lona mauli, Mo ka too e le Atua lona laumalie ?

Pesalemo 119:116

Tokoi au o mulimuli ki lau fakapapau, o tupu ke kau mauli, Kae aua na ke tuku ke kau luma i loku amanaki malie !

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Gaoi 10:45

Ti na punamauli loa le kau agatonu silikosisio leia na au mo Petelo, o tupu kua toe tufaki foki le nea alofa o le Laumalie Maokioki ki le kau pagani.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Loma 1:7

kia latou fuli i Loma ko alofaaga o le Atua, ala kua kalagai ke maokioki ki le vokasio : Ke soli atu kia koutou le kalasia mo le tokamalie e le Atua, lotatou Tamana, ti mo le Aliki ko Sesu-Kilisito !

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Loma 9:33

ofaipe lona tuu i le Tosi : Ko leinei, e kau tuku i Sione se fatu fakatupu siga Ti mo se utu fakatupu malaia, Ti ko leia e tui kiate ia e leaise luma loa.

Uluaki tosi ki le kau Kolinto 8:3

Kae kapau e alofa se tasi ki le Atua, e iloa a ia e le Atua.

Lua tosi ki le kau Kolinto 1:22

leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Efeso 1:13

Iate ia ko koutou foki, i le oki o lakotou fakalogo ki le folafola o le maoki, le Evaselio o lokoutou saofaki, na kotou tui ti na fakamailoga koutou e le Atua ki le Laumalie Maokioki o le fakapapau,

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Filipe 1:20

o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.