Loma 5:17 - Tosi Tapu

¹⁷ Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi.

Loma 5:17 ပူးပေါင်းရင်းမြစ်များ

Senesi 2:17

kae e leaise ke kai loa ki le laakau o le iloa o le malie mo le veli, talie ko le aso leia e ke kai ai loa ki le laakau lena, e ke mate loa.

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Senesi 3:6

Ti na tio loa le fafine na malie le laakau ki le kai, mo fulumalie ki le mata, ti mo mauiga ki le fakamavaa o le atamai. Na taui loa e ia se fa fuai laakau, o kai, ti na toe soli foki e ia ki lona avaga, leia na tuu i ona tafa, ti na kai loa a ia ki ai.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Soane 10:10

E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.

Loma 5:12

Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli…

Loma 5:15

Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito.

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,

Loma 6:14

Talie e leaise maua loa e le agasala se pule kia koutou, talie e leaise kotou nonofo i le lao, kae i le kalasia.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Loma 8:39

pe ko makeke, pe ko le taualuga, pe ko le loloto, pe ko se tasi ake a nea na fakatupu, e mafai ia loa ke fakamavae ia tatou i se aso mei le alofa o le Atua, leia kua fakasa kia tatou ia Sesu-Kilisito lotatou Aliki.

Uluaki tosi ki le kau Kolinto 15:49

Ti e tatau foki mo tatou : na tou maua le paaki o le tagata mei le kele, ti kua tou toe maua foki le paaki o leia na au mei Selo.

Uluaki tosi ki le kau Kolinto 4:8

Ko leinei, kua kotou makona ; kua kotou mou koloa, kua kotou kamata sau kae sala mo maua. Ti e amusia ake ke kotou sau maoki, o tupu ke ma sau foki mo koutou !

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Uluaki tosi kia Timoteo 1:14

ti na lasi ai le kalasia o lotatou Aliki, mo le tui ti mo le alofa leia e maua ia Sesu-Kilisito.

Lua tosi kia Timoteo 2:12

kapau e tou kataki fualoa, e tou sau loa mo ia ; kapau e tou fakafiti kiate ia, e fakafiti loa a ia kia tatou ;

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Apokalipisi 1:6

ti na fakasoko ia tatou ko se puleaga, mo ni tagata fai sakilifisio ki le Atua lona Tamana, kiate ia le kololia mo le mafimafi, i sekulo mo sekulo ! Amene !

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Apokalipisi 20:6

Manuia mo maokioki latou ala e kau i le uluaki toe tuuake ! E leaise toe maua loa e le lua mate se pule kia latou ; kae e lotou soko loa ko le kau tagata fai sakilifisio a le Atua mo Kilisito, ti e lotou sau loa mo ia i fetuu e afe.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.