Loma 5:14 - Tosi Tapu

¹⁴ Kae na pule le mate meia Atama o kaku mai kia Moisese, kia latou fuli foki ala na leaise agasala i se maumau e tatau mo leia a Atama, leia ko le paaki o leia na tonu ke au.

Loma 5:14 ပူးပေါင်းရင်းမြစ်များ

Senesi 19:25

Na maumaui loa e le Eteleno a kolo ana e lua mo ola kakai fuli, ti mo le fenua laumalie katoa lena mo ona laakau fuli.

Senesi 4:8

Kae na pati loa Kaino ki lona taina ko Apele ke la ano ki fafo. I lala kaku ki faisaga, na oso loa Kaino ki lona taina ko Apele, o tamate a ia.

Senesi 7:22

Na mamate loa a nea fuli ala na tukumanava, ala na maua ia se manava i olatou pogoisu, ti na mauli i le kele malo.

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Ekesote 1:6

Ti na mate loa Sosefo, mo ona fetaina fuli ti mo le tautupu katoa lena.

Oseo 6:7

Kua lotou maumaui laku sai ofaipe la ake tagata ; Koia leia kua lotou agatuu ai kiate au.

Sonasi 4:11

Ti ko au, pe leaise kau alofa loa ki Ninive, le kolo lasi, leia e mauli ai ni tagata e tino lelau tino lua afe tupu, ala e leaise iloa ia fua lolatou lima atamai mei lolatou lima sema, ti mo ni manu lasi ai !

Loma 5:12

Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli…

Loma 5:17

Kapau na pule le mate i le sala a se fa toka tasi, e feaki ake loa le pule o le mauli ia latou e tali ia a koloa mauke ai o le kalasia ti mo le nea alofa o le faitotonu ia Sesu-Kilisito toka tasi.

Loma 5:21

o tupu, ke faipe le agasala leia na pule ki le mate, ke toe pule foki le kalasia i le faitotonu leia e taki ia ki le mauli ia Sesu-Kilisito ko lotatou Aliki.

Loma 8:20

Talie na fakataulaloi le malama nei ki le vaiga, kae na leaise loto a ia ki ai, e leia na tuku ia a ia ki ai,

Loma 8:22

Kae e tou iloa, o kaku mai ki le aso nei, e e tagi ti mo mamae le malama nei katoa i mamae o le temi fai fanau.

Uluaki tosi ki le kau Kolinto 15:22

Ti na mamate a tagata fuli ia Atama, e tatau foki, e toe mauli loa a tagata fuli ia Kilisito,

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.