Loma 4:5 - Tosi Tapu

⁵ kae ka tuku ata e se tagata, sala mo fai ia se gaoi, lana tui ki le Atua, leia e fakamatatonu ia le tagata agasala, e lau e le Atua lana tui ko se faitotonu kiate ia.

Loma 4:5 ပူးပေါင်းရင်းမြစ်များ

Apakuki 2:4

Ko leinei, na makita lona laumalie, e leaise sako a ia iate ia ; Kae e mauli loa le tagata agatonu i lana tui.

Maleko 9:23

Na pati loa Sesu kiate ia : Kapau e ke mafai !… E feala a nea fuli ki leia e tui.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:29

Na tali loa Sesu kia latou : Ko leinei le gaoi a le Atua, ke kotou tui ki leia na kakau mai e ia.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Loma 4:24

e tupu foki ko tatou, ala e toe lau loa ki ai le nea lena, tatou anei e tui ki leia kua toe fakatuuake ia mei le mate a Sesu lotatou Aliki,

Loma 4:3

Talie kolea le pati a le Tosi ? Na tui Apalaamo ki le Atua, ti na lau le nea a ia kiate ia ko se faitotonu.

Loma 4:6

Ofaipe le fakasa foki e Tavite le manuia o le tagata leia e tuku ki ai e le Atua le faitotonu, sala gaoi :

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Sosue 24:2

Na pati loa Sosue ki le kakai katoa : Ko leinei le folafola a le Eteleno, le Atua o Iselaele : Na nonofo okoutou tamana, a Telake, tamana o Apalaamo mo tamana o Nakole, i mua i le kauvai o le vaitafe lasi ko le Eufalate, ti na lotou tausi ki ni atua kese.