Loma 4:21 - Tosi Tapu

²¹ ti mo iloa fakapapau e ia i lona loto ko le nea leia kua fakapapau e le Atua, e mafai foki e ia lona fakasoko.

Loma 4:21 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Mateo 19:26

Na tio loa Sesu kia latou, o pati : E leaise feala le nea lena ki tagata, kae e feala a nea fuli ki le Atua.

Luka 1:1

O tupu na toka api ai latou ala na faiga ke fau ia se fakamatala o nea ala na soko ia matou,

Luka 1:37

Talie e leaise faigataa se nea ki le Atua.

Luka 1:45

Manuia leia na tui : talie e fakasoko loa a nea ala na fakasa kiate ia mei le Aliki.

Loma 14:4

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.

Loma 14:5

E fakakesekese e se tasi a aso ; ti e pati se tasi, e lotou tatau fuli. Ke tasi maua e le tagata lana manatu totonu i lona loto katoa.

Loma 8:38

Talie e kau iloa papau e leaise ko le mate, pe ko le mauli, pe ko le kau aselo, pe ko le kau tominasio, pe ko nea o le sekulo nei, pe ko nea o le sekulo ka au,

Lua tosi ki le kau Kolinto 9:8

Ti e mafai e le Atua lana fakaapele koutou ki ona kalasia fuli, o tupu ke kotou maua tuumau a nea fuli ala e aoga kia koutou, ti ke kotou toe maua foki o fakalaka ki gaoi malilie fuli,

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Epelo 11:13

Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 11:19

Na manatu a ia e mafimafi ai le Atua, o toe fakatuuake ia le kau mate ; koia i se fakatata na toe maua loa e ia lona vosa.