Loma 4:17 - Tosi Tapu

¹⁷ Kua kau fakanofo a koe ko le tamana o ni puleaga mauke ai. Ko ia ko lotatou tamana i mua o leia na tui a ia ki ai, le Atua, leia e soli ia le mauli ki le kau mate, ti e pati ki nea ala e leikiaise tupu pe ni nea kua tupu.

Loma 4:17 ပူးပေါင်းရင်းမြစ်များ

Senesi 17:16

E kau tapuaki loa kiate ia, ti e kau soli loa kiate koe se vosa iate ia. E kau tapuaki loa kiate ia, ti e liliu loa a ia ko le tinana o ni puleaga ; e tupu loa meiate ia ni sau o ni kakai.

Senesi 17:20

Kia Isemaele, kua kau tali lau kole. Ko leinei, e kau tapuaki loa kiate ia, e kau liuliuga loa a ia, e kau liuliuga loa a ia o lasi ; e tupu loa meiate ia ni sau e kau agafulu tupu lua, ti e kau fakaliliu loa a ia ko se puleaga lasi.

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Esaia 43:6

E kau pati loa ki le noleto : Soli mai ! Ti e kau pati loa ki le potu saute : Aua na taofi ! Kotou aumai oku vosa mei fenua mamao, Ti mo oku taineliki mei potupotu o le malama nei,

Esaia 44:7

Ko ai, ofaipe au, na fai ia ni kikite Talu mei le aso leia na kau fakatupu ai le kakai afea ? Ke fakasa mai e ia ti ke tuku mai e ia ni ana fakamaoki ! Ke lotou fakasa le temi ka au ti mo nea ka soko !

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Esaia 49:12

Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Esaia 55:12

Io, e kotou mavae loa i le fiafia, Ti e takitaki loa koutou i le tokamalie ; E fakamapaa loa e mauga lalasi mo mauga liliki ni sua fakafiafia i okoutou mua, Ti e pasipasi loa a lima o laakau fuli o le vao.

Mateo 3:9

ti aua na kotou pati i okoutou loto : Ko Apalaamo ko lomatou tamana ! Talie e kau fakasa kia koutou, mei fatu anei, e mafai ke fakatupu e le Atua ni fanau kia Apalaamo.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Gaoi 15:18

Ti na fakasa ia latou talu mei fualoa.

Loma 3:29

Pe ko le Atua, ko le Atua fai a ia o le kau Sutea ? Pe leaise ko le Atua foki a ia o le kau pagani ? E io, ko le Atua foki a ia o le kau pagani,

Loma 4:18

Ti na amanaki malie a ia, kae kua oki a amanaki fuli, na tui a ia ti kua liliu a ia ko le tamana o ni puleaga mauke ai, o mulimuli ki le nea leia na fakasa kiate ia : E fenaaki loa lou sakoga.

Loma 4:2

Kapau na fakamatatonu Apalaamo e ana gaoi, na mafai loa ke nekenekea a ia, kae i mua o le Atua na leaise fai e ia le nea lena.

Loma 8:11

Ti kapau e nofo ia koutou le Laumalie o leia na toe fakatuuake ia a Sesu mei le kau mate, ko leia na fakatuuake ia a Sesu-Kilisito mei le kau mate, e toe soli ia loa le mauli ki okoutou tino mamate i lona Laumalie leia e nofo ia koutou.

Loma 9:11

(talie na leikiaise tupu a toe ti na leikiaise fai fua e laua se nea e malie pe ko se nea e veli, kae o tupu ke tuumau le fakatuutuu a le Atua o mulimuli ki le filifili leia e leaise fakalogo ki gaoi kae ki leia e kalagai ia),

Loma 9:26

ti i le ganea leia e pati ai kia latou : E leaise ko koutou ko loku kakai ! E fakaigoa loa latou ko vosa o le Atua mauli.

Uluaki tosi ki le kau Kolinto 1:28

ti kua filifili e le Atua a nea veveli o le malama nei, mo nea vesiainai, mo nea noa, ke maumaui ai a nea ala e mauiga ki le malama nei,

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,

Epelo 11:12

Koia leia, mei se tagata e tasi, kua popo foki lona tino, na tupu loa se sakoga toka api ofaipe fetuu o le lagi, ti mo le one o le mata tai leia e leaise feala ke lau.

Epelo 11:3

Ko le tui leia e tou iloa ai na fakatupu le malama nei e le folafola a le Atua, ti ko le nea leia e tio ki ai na leaise fakatupu a ia ki ni nea ala e tio ki ai.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.

Lua tosi a Petelo 3:8

Kae e i ai se nea, ei alofaaga, e leaise tonu ke kotou galoi : i mua o le Aliki e tatau se aso e tasi mo ni fetuu e afe, ti e tatau fetuu e afe mo se aso e tasi.