Loma 4:16 - Tosi Tapu

¹⁶ Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Loma 4:16 ပူးပေါင်းရင်းမြစ်များ

Esaia 51:2

Kotou tio kia Apalaamo, lokoutou tamana, Ti mo Sala leia na fanaui ia koutou ; Talie na kau kalagai a ia toka tasi, Na kau tapuaki kiate ia, ti na kau liuliuga a ia.

Luka 19:9

Na pati loa Sesu kiate ia : I le aso nei kua ulu le fakamauli ki le fale leinei, talie ko ia foki leinei ko se vosa a ia o Apalaamo.

Loma 15:8

Talie e kau pati atu kia koutou, na liliu Kilisito ko le tagata fakasausau a le kau silikosisio, o tupu ke fakasa ai le maoki o le Atua i lana fakasoko a fakapapau na fai ki otatou tamana,

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Loma 3:30

talie ko le Atua fai e tasi, leia e fakamatatonu ia loa i le tui le kau silikosisio mo le kau lee silikosisio.

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,

Loma 9:8

ko lona uiga : E leaise ko fanau o le kanofi ala ko fanau a le Atua, kae ko fanau o le fakapapau ala e lau ko le sakoga.

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Kalate 3:16

Ko leinei, na fai a fakapapau kia Apalaamo mo lona sakoga. Na leaise pati : mo ona sakoga, o sakinake na mauke ni sakoga, kae ko le sakoga fai e tasi : ti ki lou sakoga, ko lona uiga kia Kilisito.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Efeso 2:8

Talie na fakamauli koutou i le kalasia, ki le tui. Ti e leaise au le nea lena meia koutou, ko le nea alofa a ia o le Atua ;

Tito 3:7

o tupu ke fakamatatonu tatou ki lona kalasia, ti ke tou mau tofiga le mauli lee gato leia e tou amanaki malie ki ai.

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.