Loma 4:15 - Tosi Tapu

¹⁵ Talie e fakatupu e le lao le sausau o le Atua ; kae i le ganea e leaise maua ai se lao, e leaise maua ai foki se sala ki le lao.

Loma 4:15 ပူးပေါင်းရင်းမြစ်များ

Lua tosi o Sau 22:13

Kotou ano o afa le finegalo o le Eteleno o uiga mo au, o uiga mo le kakai ti mo Suta katoa, o tupu ko folafola o le tosi leinei kua tou aga o maua ; talie kua lasi ai le itaita o le Eteleno kia tatou, o tupu na leaise fakalogo fua otatou tamana ki folafola o le tosi leinei, ti na leaise lotou aga fua o tausi a nea fuli ala na tosi mai i ai kia tatou.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Tagi laulau a Selemia 2:22

Na ke kalagai kiate au mei potu fuli oku fili, ofaipe se aso lasi. I le aso o le sausau o le Eteleno, na leaise sao pe mauli se fa toka tasi. Ko latou ala na kau tokaga ki ai ti na kau taupau Na tamate latou e loku fili.

Esekiele 7:19

E lotou laku loa alatou paaga i ala, Ti e lotou fakalialia loa ki lalatou aulo ; Talie e leaise mafai loa ke saofaki latou e lalatou paaga mo lalatou aulo I le aso o le sausau o le Eteleno ; E leaise mafai loa ke lotou fakafimalie olatou laumalie Pe fakamakona olatou manava ; Talie ko nea ana na fakavilo ia latou ki le agaveli.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Numelo 32:14

Ti ko leinei, e kotou toe fetogi ia okoutou tamana ofaipe ni uli o tagata agasala, ke asilisili veli ai le sausau o le Eteleno ki Iselaele.

Soane 15:22

Kanapau na leaise kau au ti kanapau na leaise kau masau kia latou, na leaise lotou maua loa se agasala ; kae i le lakaga nei e leaise lotou maua fua se nea ke kofu ai lalatou agasala.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Loma 5:13

Talie na nofo le agasala i le malama nei o kaku ki le lao. Kae na leaise lau le agasala, talie na leaise lao.

Uluaki tosi ki le kau Kolinto 15:56

Ko le pule o le mate ko le agasala ; ti ko le makeke o le agasala ko le lao.

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Kalate 3:19

Kolea na soli ai le lao ? Na soli mai a ia ki le fakapapau o tupu ke iloa ai a agasala ki le finegalo o le Atua : na tonu ke tuu a ia o kaku ki le kaku mai o le sakoga o Apalaamo leia na fai ki ai le fakapapau ; na tuku le lao lena e ni aselo ki lima o se tagata fakasoko pati.

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Kolose 3:6

Talie ko nea ana e tupu ai le vilo o le sausau o le Atua ki vosa o le patigataa ;

Uluaki tosi a Soane 3:4

Ko leia e mauli i le agasala, e maumaui e ia le lao, ti ko le agasala ko le maumaui a ia o le lao.

Apokalipisi 19:15

Ti na ulu mei lona gutu se seleta lau ikiiki, ke tamate ai a puleaga : E taki loa e ia latou ki se tokotoko ukamea ; ti e takatakafi loa e ia le fuai vite i le tatauaga vino o le sausau kaka o le Atua Mafimafi.