Loma 4:14 - Tosi Tapu

¹⁴ Talie kapau ko latou fai ala e fakalogo ki le lao e maua ia a koloa o le fakapapau, e leaise aoga loa le tui ti e leaise uiga o le fakapapau.

Loma 4:14 ပူးပေါင်းရင်းမြစ်များ

Pesalemo 119:126

Ei Eteleno, ko le temi leia ke ke gaoi ai : Talie e lotou maumaui lau lao.

Esaia 55:11

E tatau foki mo laku folafola, leia e ulu mei loku gutu : E leaise toe liliu mai a ia kiate au sala fua, Kae e leikiaise fai e ia loku finegalo Ti mo fakasoko aku fakatuutuu.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Numelo 30:12

ti kapau na leaise fakafesagai ki ai lona avaga i le aso leia na logo ai a ia ki le nea lena, e maua loa le fafine lena ke fai e ia lana fakapapau.

Numelo 30:15

Kapau e tuku loa e le tagata ke sili se aso e tasi ki le aso leia na iloa ai e ia le fakapapau a lona avaga, o leaise pati a ia ki se nea ki le fafine, e fakamaoki loa a ia i lana fakalologo ki le fakapapau leia na fai e le fafine.

Loma 3:31

Pe tou fakapuli ai loa le lao i le tui ? E leai ai ! Kae, e motou fakamaoki ki le lao.

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Uluaki tosi ki le kau Kolinto 1:13

Pe na mavaevae koia Kilisito ? Pe na kulusifiko koia Paulo o tupu ko koutou, pe na papitema koia koutou i le igoa o Paulo ?

Kalate 2:21

E leaise kau fakafiti ki le kalasia o le Atua ; talie kapau e maua le faitotonu i le lao, ti na leaise uiga o le mate o Kilisito.

Kalate 5:4

Kua kotou mavae ia Kilisito, koutou fuli ala e afa ia le fakamatatonu i le lao ; kua fakaifo koutou mei le kalasia.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Epelo 7:28

Talie e fakanofo e le lao ke pule fai sakilifisio ni tagata gaegaeia ; kae ko le folafola o le sai, leia na fai i muli o le lao, na fakanofo ia le Alo leia e malie tukupau o lee gato.