Loma 3:5 - Tosi Tapu

⁵ Kae kapau e sa i latatou lee faitotonu le faitotonu a le Atua, kolea loa latatou pati ? Pe leaise faitotonu le Atua mo ka liligi e ia lona sausau ? (E kau masau ofaipe masau a tagata).

Loma 3:5 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Sopo 8:3

Pe fulusi loa e le Atua le lao ? Pe fulusi loa e le Mafimafi le faitotonu ?

Naume 1:2

Ko le Eteleno ko se Atua finenonofo, E totogi e ia ; e apele a ia i le itaita ; E totogi e le Eteleno kia latou ala e agatuu kiate ia, E taofi e ia lona ita ki ona fili.

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Loma 3:7

Ti kapau, i laku loi, e toe sa lasi ake ai le maoki o le Atua mo lona kololia, kolea koi fakamaaui ai au ofaipe se tagata agasala ?

Loma 4:1

Kolea loa latatou pati kia Apalaamo lotatou tamana fakatino ? Kolea na maua e ia ?

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Loma 6:1

Kolea loa latatou pati ? Pe tou nonofo loa i le agasala, o tupu ke lasi ai le kalasia ?

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Loma 7:7

Kolea loa latatou pati ? Pe agasala le lao ? Leai ai ! Kae ka na aua le lao, na leaise kau iloa le agasala. Talie na leaise mafai ke kau iloa le manumanu, mo ka na leaise pati le lao : Aua na ke manumanu loa.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Loma 9:30

Kolea loa ke tou pati ? Ko le kau pagani, ala na leaise afa ia le faitotonu, kua maua ia le faitotonu, le faitotonu leia e au mei le tui,

Uluaki tosi ki le kau Kolinto 15:32

Kapau ko ni tio fakatagata ala na kau tau ai ki manu fekai i Efeso, kolea lona aoga mai kiate au ? Kapau e leaise toe tuuake le kau mate, Tou kai ti tou inu, talie e tou mamate loa apogipogi.

Uluaki tosi ki le kau Kolinto 9:8

Ko nea anei e kau masau ki ai, pe maua fua latou i le fai a tagata ? Pe leaise fakasa foki latou e le lao ?

Lua tosi ki le kau Kolinto 6:4

Kae e ma faiga ke ma malie kia koutou i nea fuli, ofaipe ni tagata fakasausau a le Atua, i se kataki fualoa i mamae, i mativa, i tutamaki,

Lua tosi ki le kau Kolinto 7:11

Ti kua kotou tio ki fua ala na fakatupu e le Atua mei le loto mamae lena, ki le tokaga leia na kotou maua mei ai ! ki le fia fakatokatoka o nea fuli, ki le vesia ki le nea e veli, ki le tuania, ki le oli mamae ke kotou tio kiate au, ki le oli makeke ki se tua leia e totonu ! Na kotou fakasa i nea fuli e kotou mea i le nea lena.

Kalate 2:18

Talie, kapau e kau toe fakatuu a nea ala na kau maumaui, e kau fakaliliu a au totonu ko se tagata maumau lao.

Kalate 3:15

Fetaina, (e kau masau ofaipe tagata), ka fai e se tagata se fakapapau o mulimuli ki lekula totonu, logo ai e fai a ia e se tagata, kae leaise toe soloi a ia e se tasi, ti e leaise toe teki e se tasi se nea ki ai.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.