Loma 3:3 - Tosi Tapu

³ Kolea koia ! Kapau na leaise tui ni iki, pe fakapuli loa e lolatou tui gataa le agatonu o le Atua ?

Loma 3:3 ပူးပေါင်းရင်းမြစ်များ

Pesalemo 84:7

Ka lotou ano i le toafa o Paka, E lotou fakaliliu a ia ko se ganea e apele i matapuna vai, Ti e fakaapele foki a ia e le ua ki ni tapuakina.

Esaia 55:11

E tatau foki mo laku folafola, leia e ulu mei loku gutu : E leaise toe liliu mai a ia kiate au sala fua, Kae e leikiaise fai e ia loku finegalo Ti mo fakasoko aku fakatuutuu.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Mateo 24:35

E puli loa le lagi mo le kele, kae e leaise toe puli loa aku folafola.

Soane 1:16

Ti kua tou tali fuli mei lona apele katoa le kalasia ki le kalasia ;

Loma 10:16

Kae na leaise fakalogo a tagata fuli ki le logo malie. Koia na pati ai Esaia : Aliki, Ko ai na tui ki lamatou akonaki ?

Loma 11:29

Talie e leaise toe fakasemala le Atua ki ana nea alofa ala kua soli ti mo lana kalaga.

Loma 9:6

E leaise kau pati na leaise fua le folafola a le Atua. Talie e leaise Iselaele latou fuli ala e au meia Iselaele.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Lua tosi kia Timoteo 2:13

kapau e leaise tou agatonu, e agatonu a ia, talie e leaise mafai ke fakafiti a ia kiate ia totonu.

Epelo 4:2

Talie kua fakasa le logo malie lena kia tatou ofaipe latou ; kae na leaise aoga kia latou le folafola leia na lotou logo ki ai, talie na leaise maua se tui ia latou ala na logo ki ai.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.