Loma 3:28 - Tosi Tapu

²⁸ Talie e tou tuku e fakamatatonu le tagata i le tui, sala mo gaoi o le lao.

Loma 3:28 ပူးပေါင်းရင်းမြစ်များ

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Loma 3:26

Kae i le temi nei e fakasa e ia lona faitotonu, o tupu ke iloa e faitotonu a ia, ti e toe fakamatatonu e ia leia e tui kia Sesu.

Loma 4:5

kae ka tuku ata e se tagata, sala mo fai ia se gaoi, lana tui ki le Atua, leia e fakamatatonu ia le tagata agasala, e lau e le Atua lana tui ko se faitotonu kiate ia.

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Kalate 2:16

Kae, i le iloa e leaise fakamatatonu le tagata i mua o le Atua ki gaoi o le lao, kae ki le tui kia Sesu-Kilisito, ko tatou foki kua tou tui kia Sesu-Kilisito, o tupu ke fakamatatonu tatou ki le tui kia Kilisito kae leai ki gaoi o le lao, talie e leaise fakamatatonu loa se tasi ki a gaoi o le lao.

Kalate 3:24

Ti na fai le lao pe se tagata fai sekola ke takitaki ia tatou o kaku kia Kilisito, o tupu ke fakamatatonu tatou e le tui.

Kalate 3:8

Koia i le iloa fakatomua e le Tosi e fakamatatonu loa e le Atua le kau pagani ki le tui, na fakasa fakatomua e ia kia Apalaamo le logo malie leinei : E tapuakina loa a puleaga fuli iate koe !

Efeso 2:9

Ti e leaise tupu ko gaoi, talie ke aua na fakakololia ai se tasi.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Tito 3:7

o tupu ke fakamatatonu tatou ki lona kalasia, ti ke tou mau tofiga le mauli lee gato leia e tou amanaki malie ki ai.

Sakopo 2:18

Kae e pati loa se tasi : Ko koe, e ke maua le tui ; ti ko au, e kau maua a gaoi. Fakasa mai kiate au lau tui sala gaoi, ti ko au, e kau fakasa atu loa kiate koe laku tui i aku gaoi.

Sakopo 2:20

Ei tagata valea, pe ke fia iloa ko le tui sala gaoi e leai sona aoga ?

Sakopo 2:24

E kotou tio i ai e fakamatatonu le tagata i gaoi, kae leai fai i le tui.