Loma 3:23 - Tosi Tapu

²³ E leaise kese se tasi : Talie kua agasala a tagata fuli ti kua lotou sala i le kololia o le Atua ;

Loma 3:23 ပူးပေါင်းရင်းမြစ်များ

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Uluaki tosi o Sau 8:46

Ka lotou agasala loa kiate koe, talie e leaise maua se tagata fua e tasi leia e leaise agasala, ka ke ita loa kia latou, o ke tuku loa latou ki olatou fili, ala e ave ia loa latou o fakapopula i se fenua o le fili, pe mamao pe feofi ;

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 11:32

Talie kua tuku e le Atua a tagata fuli ki le patigataa, o tupu ke fakasa e ia lona manavaalofa ki tagata fuli.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Loma 3:9

Kolea koia ! Pe tou malie ake ia latou ? E leai ai. Talie kua oki i lamatou fakamaoki e nonofo tagata fuli, Sutea mo Keleka, i le makeke o le agasala,

Loma 5:2

iate ia kua mafai ai i le tui ke tou ulu ki le kalasia lena, leia e tou tuu makeke i ai, ti e tou fiafia i le amanaki malie ki le kololia o le Atua.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Lua tosi ki le kau Tesalonika 2:14

Ko le nea lena na kalagai e ia koutou ki ai i lamatou Evaselio, o tupu ke kotou maua le kololia o lotatou Aliki ko Sesu-Kilisito.

Epelo 4:1

Koia ke tou i, i le temi leinei koi tuu ai le fakapapau ke kotou ulu ki lona maloloaga, ke aua na ulu tausala se tasi o koutou ki ai.

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.