Loma 3:21 - Tosi Tapu

²¹ Kae ko leinei, sala mo le lao kua fakasa e le Atua lana faitotonu, o fakamaoki ki ai le lao mo le kau polofeta,

Loma 3:21 ပူးပေါင်းရင်းမြစ်များ

Senesi 15:6

Na tui loa Apalamo ki le Eteleno, leia na totogi ia loa kiate ia lana tui ki le faitotonu.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 51:8

Talie e kai loa latou e ilo ofaipe se kofu, Ti e kai loa latou e ugogo ofaipe le fului ovi. Kae e tuu loa laku faitotonu o lee gato, Ti e mafola loa laku fakamauli i tautupu ki tautupu.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Luka 24:44

Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Soane 1:45

Na felavei loa Filipo mo Natanaele, ti na pati loa a ia kiate ia : Kua motou maua leia na tosi ki ai Moisese mo le kau polofeta, ko Sesu mei Nasaleti, vosa o Sosefo.

Gaoi 10:43

Ti na fakamaoki kiate ia le kau polofeta fuli : ko leia e tui kiate ia e tali loa e ia i lona suafa le fakamolemole o agasala.

Gaoi 15:11

Kae e tou tui na fakamauli tatou o tupu ko le kalasia o le Aliki Sesu, o tatau mo latou.

Gaoi 26:22

Kae, i le tokoi a le Atua, koi kau mauli o kaku mai ki le aso nei, o fakamaoki i mua o le kau liliki mo le kau lalasi, kae e leaise kau sese fua i se nea fakaikiiki mei nea ala na fakasa e le kau polofeta mo Moisese e tonu ke soko,

Gaoi 28:23

Ti na lotou fakatuutuu loa kiate ia se aso, ti na au loa se toka api o maua a ia i lona fale. Ti na fakasa loa e ia le Puleaga o le Atua kia latou, o fakamaoki, ti mo afa i le lao a Moisese mo le kau polofeta, ke lotou tio ki nea o uiga mo Sesu. Na fai loa le nea lena mei le usu o kaku ki le afiafi.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Loma 1:2

Evaselio leia na fakapapau i mua e le Atua i lana kau polofeta i le Tosi tapu ;

Loma 16:26

kae kua fakasa i le temi nei e tosi a le kau polofeta, o mulimuli ki le fakatuutuu a le Atua lee gato, ti kua fakasa ke iloa e puleaga fuli, o tupu ke lotou fakalogo ki le tui :

Loma 3:28

Talie e tou tuku e fakamatatonu le tagata i le tui, sala mo gaoi o le lao.

Loma 5:19

Talie, i le patigataa a se tagata e toka tasi, na liliu se toka api o agasala, i le fakalogo foki a se tagata e toka tasi, e liliu loa se toka api o faitotonu.

Loma 5:21

o tupu, ke faipe le agasala leia na pule ki le mate, ke toe pule foki le kalasia i le faitotonu leia e taki ia ki le mauli ia Sesu-Kilisito ko lotatou Aliki.

Loma 9:30

Kolea loa ke tou pati ? Ko le kau pagani, ala na leaise afa ia le faitotonu, kua maua ia le faitotonu, le faitotonu leia e au mei le tui,

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Lua tosi ki le kau Kolinto 3:9

Talie kapau na kololia ia le gaoi o le fakamalaia, ti e toe fakalaka mamao ake le kololia ia o le gaoi o le faitotonu.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:8

Koia i le iloa fakatomua e le Tosi e fakamatatonu loa e le Atua le kau pagani ki le tui, na fakasa fakatomua e ia kia Apalaamo le logo malie leinei : E tapuakina loa a puleaga fuli iate koe !

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Uluaki tosi a Petelo 1:10

Ko le kau polofeta, ala na kikite ki le kalasia leia na taofi atu kia koutou, na fai ia ni afaafa mo ni sakili ki le saofaki lena.

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !