Loma 2:9 - Tosi Tapu

⁹ Ko le tautea mo le mamae ki tagata fuli ala e fai ia le veli, o muamua ki le Sutea ti mo le Keleka foki !

Loma 2:9 ပူးပေါင်းရင်းမြစ်များ

Lua tosi o Koloniko 6:23

ke ke fakalogo kiate ia mei lagi, ke ke gaoi ti ke ke fakamaaui au tagata fakasausau ; ke ke fakatuaa leia e sala ti ke ke fakavilo lana agasala ki lona fa ulu ; kae ke ke fakamauli leia e mea, ti ke ke fai kiate ia o mulimuli ki lona faitotonu !

Pesalemo 32:10

E lasi ni mamae e maua e le tagata agaveli ; Kae ko leia e fanaki ki le Eteleno e takatakai a ia e lona kalasia.

Taagapati 11:23

Ko le oli o le kau agatonu, ko le fai o le malie fuai. Ko le talitali a le kau agaveli, ko le itaita fuai.

Esekiele 18:4

Ko leinei, ko laumalie fuli a aku, le laumalie o le vosa ofaipe le laumalie o le tamana, a aku le laumalie o leia mo le laumalie o leia ; ko le laumalie leia e agasala, ko ia leia e mate loa.

Esekiele 22:31

E kau liligi loa loku sausau kia latou, ti e kau tutu loa latou ki le afi o loku sausau, ti e kau totogi loa alatou gaoi ki olatou ulu, e pati le Aliki, le Eteleno.

Amosi 3:2

Kua kau filifili koutou, koutou tefua i famili fuli o le malama nei ; Koia leia e kau tautea ai loa koutou o tupu ko akoutou agaveli fuli.

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Gaoi 20:21

o kau fakasa ki le kau Sutea mo le kau Keleka le fakasemala ki le Atua, ti mo le tui ki lotatou Aliki ko Sesu-Kilisito.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 28:17

I le sili o aso e tolu, na kalagai loa e Paulo le kau lalasi o le kau Sutea ke fakatasi ake kiate ia. I lalatou fakatasi mai, na masau loa a ia kia latou, o pati : Tagata fetaina, na leaise kau fai fua se nea ki le kakai pe ki agai fenua o tatou tamana, kae na tuku au ki le pilisoni i Selusalemi, ti na tuku au mei ai ki lima o le kau Loma.

Gaoi 28:28

Koia ke kotou iloa kua kakau le saofaki lena a le Atua ki le kau pagani, ti e lotou fakalogo loa ki ai.

Gaoi 3:26

Koia na fakatuu ai e le Atua lana tagata fakasausau ko Sesu kia koutou mua, ti kua kakau mai e ia a ia ke tapuaki kia koutou ki le tafoki o le tagata taki toka tasi mei ana agaveli.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 10:12

E leaise fai kesekese ki le Sutea mo le Keleka, talie e la Aliki toka lua ki le Aliki e tasi, leia e mou koloa kia latou fuli e kalaga kiate ia.

Loma 2:10

Ko le kololia, mo le fakamauiga, ti mo le tokamalie, ki leia e fai ia le malie, o muamua ki le Sutea ti mo le Keleka foki !

Loma 8:35

Ko ai ka fakamavae ia loa tatou mei le alofa o Kilisito ? Pe ko le masaki loa, pe ko le mamae, pe ko le fakaveliveli, pe ko le fia kai, pe ko le mativa, pe ko le tutamaki, pe ko le seleta ?

Loma 9:24

Koia kua kalagai e ia tatou, o leaise gato fua mei le kakai Sutea, kae mei le kakai pagani foki,

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Kolose 3:11

Koia e leaise i ai se Keleka i leinei pe ko se Sutea, mo se tagata silikosisio pe ko se lee silikosisio, mo se matapule pe ko se Site, mo se tagata popula pe ko se tagata lauatea ; kae ko Kilisito fuai i tagata fuli.

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Uluaki tosi a Petelo 4:17

Talie ko leinei kua kamata le fakamaau, ti e kamata a ia i le fale o le Atua. Io, kapau kua kamata a ia kia tatou, e feaki ake loa le fakaoki o latou ala e leaise fakalogo ki le Evaselio a le Atua ?