Loma 2:3 - Tosi Tapu

³ Pe ke pati loa, ei tagata, leia e fakamaaui ia latou ala e fai ia a nea ana, ti e toe fai ia latou, e ke sao loa i le fakamaau a le Atua ?

Loma 2:3 ပူးပေါင်းရင်းမြစ်များ

Lua tosi a Samuele 10:3

na pati loa a pule o vosa o Amone kia Anune, lolatou pule : Pe ke masalo na kakau mai e Tavite ana tagata fakasausau ke fakapelepelei ia a koe, mo fakaapaapa ki lou tamana ? Pe leaise lotou au o tioi le kolo ke maumaui, leia e kakau mai ai e ia ana tagata fakasausau kiate koe ?

Sopo 35:2

Sopo, pe ke manatu e ke maoki i mua o le Atua, Pe ke manatu e ke maokioki i mua o le Atua,

Pesalemo 50:21

Ko lena le nea leia e ke fai, ti na kau fakaleemu. Na ke pati i lou loto e kau tatau mo koe ; Kae e kau valoki loa a koe, ti e kau tuku loa nea fuli ki ou mua.

Pesalemo 56:7

E lotou fakakaukau veli kiate au, e lotou lamalama au, e lotou tio ki oku lakaaga, Talie e lotou loto ki loku mauli.

Taagapati 11:21

E maoki e leaise sao loa le tagata agaveli i le tautea, Kae e fakamauli loa le sakoga o le tagata agatonu.

Taagapati 16:5

E fakalialia le Eteleno ki lotu fuli e fia taualuga ; Ti e tautea maoki loa e ia latou i se aso.

Esekiele 17:15

Kae na agatuu a ia kiate ia, o kakau ni ana tagata avelogo ki Esipito, o tupu ke lotou aumai i ai kiate ia se kau osi mo se kau solia lasi. Pe manuia loa leia na fai ia le nea lena ? pe sao loa a ia ? Kua maumaui e ia le sai, ti e sao feaki loa a ia !

Esekiele 17:18

O tupu na nukinuki a ia ki le fakapapau, o motusi e ia le sai, ti na soli e ia lona lima, o fai e ia a nea fuli ana, e leaise sao loa a ia !

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Mateo 23:33

Kau gata, lanu o gata velo, e feaki loa lakotou sao mei le tua o Ifeli ?

Mateo 26:53

Pe ke pati e leaise mafai ke kau kole ki loku Tamana, ke tuku mai e ia i le lakaga nei fai ni fa solia aselo e tino agafulu tupu lua pe lasi atu ?

Luka 12:14

Na tali loa Sesu kiate ia : Tagata, ko ai leia na fakanofo ia au ke fakamaau ia akoutou visi, pe ke vae ia okoutou koloa ?

Luka 22:58

Ti na toe fakaikiiki ake fai, i le tio a se tasi kiate ia, na pati loa a ia : E ke kau foki, mo koe, kia latou ! Ti na tali loa Petelo : Tagata, e leaise kau kau mo latou.

Luka 22:60

Na tali loa Petelo : Tagata, e leaise kau iloa le nea leia e ke masau ki ai. Ti na fokifa loa, kae koi masau a ia, kua koukoua loa le moatoa.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Loma 2:1

Ei tagata, ko ai a koe, a koe leia e fakamaau, e leaise ke sao loa ; talie, i lau fakamaaui ala ake, e ke fakamaaui a koe totonu, talie ko koe leia e fakamaaui e toe fai ia a nea ana.

Loma 2:2

Koia, e tou iloa ko le fakamaau a le Atua kia latou ala e fai ia a nea ana e mulimuli ki le maoki.

Loma 9:20

Ei tagata, ko ai a koe, ke ke fakavisi ki le Atua ? Pe pati loa le ipu kele ki leia na fau ia a ia : Kolea na ke fau ai au ke kau feneeki ?

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;