Loma 2:29 - Tosi Tapu

²⁹ Kae ko le Sutea, ko ia leia e nofo i le loto, ti ko le silikosisio ko leia o le loto, i le Laumalie, kae e leai i le matai tosi. E leaise au le fakavikiviki a le Sutea lena mei tagata kae mei le Atua.

Loma 2:29 ပူးပေါင်းရင်းမြစ်များ

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Pesalemo 45:13

Ti e au loa le taine o Tile mo le kau mou koloa o le kakai, Mo ni moliga, o afa lou alofa.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Selemia 9:25

Ko leinei, e soko mai loa a aso, e pati le Eteleno, Ala e kau tautea ai loa latou fuli ala na silikosisio kae na leaise silikosisio i lolatou loto :

Luka 11:39

Kae na pati loa le Aliki kiate ia : Ko koutou kau faliseo, e kotou fakamea a tafa o le ipu mo le pa, kae i loto e kotou apele i kaia mo agaveli.

Luka 17:21

E leaise pati loa : E nofo a ia i leinei, pe : E nofo a ia i lena. Talie ko leinei e nofo le puleaga o le Atua i loto malie o koutou.

Soane 12:43

Talie na lasi ake lalatou fia fai ki le kololia o le tagata i le kololia o le Atua.

Soane 4:23

Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Soane 5:44

E feaki le mafai ke kotou tui, koutou ala e afa ia lokoutou kololia ia koutou, kae e leaise kotou afa le kololia leia e au mei le Atua toka tasi ?

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Loma 2:27

Ko le tagata leia e lee silikosisio i lona tino kae fai ia le lao, pe leaise fakamaaui loa e ia a koe, leia e maumaui ia a ia, kae e ke maua ia le tosi totonu o le lao mo le silikosisio i lou tino ?

Loma 3:1

Kolea loa le malie leia e maua e le Sutea, ti kolea le aoga o le silikosisio ?

Loma 7:6

Kae i le temi nei, kua fakamavae tatou mei le lao, talie kua tou mamate ki le lao lena na tou pikiia ai, o tupu ke tou tausi i se loto foou, kae e leai i le matai tosi leia kua matua.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Uluaki tosi ki le kau Kolinto 7:19

Ko le nea noa le silikosisio, ti ko le nea noa le lee silikosisio, kae ko le nea leia e mauiga ko le fakalogo ki fakatotonu a le Atua.

Lua tosi ki le kau Kolinto 10:18

Talie e leaise ko leia e vikiviki kiate ia totonu e fakamaoki ki ai, kae ko leia e fakamaoki ki ai le Aliki.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Tetelonome 10:16

Koia, ke kotou silikosisio ai okoutou loto, ti ke aua na kotou toe fakafefeka okoutou ua.

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Uluaki tosi ki le kau Tesalonika 2:4

kae na malie ki le Atua ke tuku mai kia matou le Evaselio, koia e motou masau ai, o leaise ke fakamatamalie ki ni tagata, kae ke fakamatamalie ki le Atua leia e asiasii ia omatou loto.

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.