Loma 2:2 - Tosi Tapu

² Koia, e tou iloa ko le fakamaau a le Atua kia latou ala e fai ia a nea ana e mulimuli ki le maoki.

Loma 2:2 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Sopo 34:23

E leaise aoga ki le Atua ke tuku logo ki le tagata mo ka kua loto a ia ke nake a ia ki lona fakamaauaga ;

Pesalemo 145:17

E faitotonu le Eteleno i ona ala fuli, Ti e manava alofa a ia i ana gaoi fuli.

Pesalemo 9:4

E solomuli oku fili, E lotou sisiga, e lotou mamate i ou mua.

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Esekiele 18:25

E kotou pati : E leaise sako le ala o le Aliki. Koia ke kotou fakalogo mai, fale o Iselaele ! Pe ko loku ala leia e leaise sako ? Pe leaise ko okoutou ala ala e leaise sako ?

Esekiele 18:29

E pati le fale o Iselaele : E leaise sako le ala o le Aliki. Pe ko loku ala leia e leaise sako, fale o Iselaele ? Pe leaise ko okoutou ala ala e leaise sasako ?

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Loma 2:1

Ei tagata, ko ai a koe, a koe leia e fakamaau, e leaise ke sao loa ; talie, i lau fakamaaui ala ake, e ke fakamaaui a koe totonu, talie ko koe leia e fakamaaui e toe fai ia a nea ana.

Loma 2:3

Pe ke pati loa, ei tagata, leia e fakamaaui ia latou ala e fai ia a nea ana, ti e toe fai ia latou, e ke sao loa i le fakamaau a le Atua ?

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Loma 9:14

Kolea loa ka tou pati ? Pe leaise faitotonu le Atua ? E leai ai !

Apokalipisi 16:5

Ti na kau logo loa ki le aselo o vaitafe na pati : E ke faitotonu, a koe leia e agai nei, ti na agai i mua ; e ke maokioki, talie kua ke fakasoko le fakamaau leinei.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.