Loma 2:16 - Tosi Tapu

¹⁶ E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Loma 2:16 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Pesalemo 50:6

Ti e fakasa loa e le atu lagi lona faitotonu, Talie ko le Atua leia e tui fakamaau. - Manava.

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Ekelesiasi 12:14

Koia ei loku vosa, ke ke ako mei nea ana ; e leaise toe oki loa, mo kapau e loto ke fai se tuuga tosi, ti e fakatupu gaegae ki le tino le ako lasi.

Ekelesiasi 3:17

Na kau pati i loku loto : E fakamaaui loa e le Atua le tagata agatonu mo le tagata agaveli ; talie e i ai se temi ke fakamaaui ai a nea fuli ti mo gaoi fuli.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Luka 8:17

Talie e leaise nea munia, e leaise fakasa loa ; ti e leaise nea fufu, e leaise iloa loa ti e leaise tuku loa ki le malama.

Soane 12:48

Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Gaoi 10:42

Ti na fakatotonu mai e Sesu kia matou ke fakasa ki le kakai mo fakamaoki ko ia totonu leia kua fakanofo e le Atua ko le tui fakamaau o le kau mauli mo le kau mate.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Loma 3:6

E leai ai ! Talie kapau ko ia, pe feaki loa le fakamaaui e le Atua le malama nei ?

Uluaki tosi ki le kau Kolinto 15:1

E kau fakamanatu atu kia koutou, fetaina, le Evaselio leia na kau akonaki atu kia koutou, leia foki kua kotou tali, ti na kotou tuumau ai,

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Kalate 1:11

E kau fakapapau atu kia koutou, fetaina, ko le Evaselio leia na kau akonaki ia na leaise au mei se tagata ;

Uluaki tosi kia Timoteo 1:11

leia e mulimuli ki le Evaselio o le kololia o le Atua manuia, Evaselio leia kua tuku mai kiate au.

Lua tosi kia Timoteo 2:8

Ke ke manatu kia Sesu-Kilisito, ko le sakoga o Tavite, leia na toe tuuake mei le kau mate, o mulimuli ki laku Evaselio,

Lua tosi kia Timoteo 4:1

Koia e kau fakatotonu atu ai kiate koe i mua o le Atua, ti mo mua o Sesu-Kilisito, leia e tonu ke fakamaaui ia le kau mauli mo le kau mate, ti e kau kole atu a ia i le igoa o lana toe liliu mai mo lona puleaga,

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.

Uluaki tosi a Petelo 4:5

Kae e tonu loa ke lotou fakasa i se aso alatou gaoi ki leia kua teuteu ke fakamaau ia le kau mauli mo le kau mate.

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,