Loma 2:15 - Tosi Tapu

¹⁵ e lotou fakasa kua tosi le gaoi a le lao i olatou loto, ti e fakamaoki foki ki ai olatou loto, o valoki mo fakatonuia latou e alatou manatu.

Loma 2:15 ပူးပေါင်းရင်းမြစ်များ

Senesi 20:5

Na pati mai le tagata kiate au : Ko loku tuagaane ! Ti na pati totonu le fafine : Ko loku tuagaane. Na kau fai le nea leinei i se loto sako mo ni lima mea.

Uluaki tosi o Sau 2:44

Ti na pati loa le sau kia Simei : E ke iloa malie i lou loto le veli fuli leia na ke fai kia Tavite, loku tamana ; e fakavilo e le Eteleno lau agaveli ki lou fa ulu.

Sopo 27:6

E kau loto ke kukumi tukupau loku maokioki, e leaise kau toe gaegae loa ; E leaise fakalakasala au e loku loto i se nea fua e tasi o loku mauli.

Ekelesiasi 7:22

talie e ke iloa foki i lou loto kua tua lasi lau tau lauvelii ni iki.

Soane 8:9

I lalatou logo ki le nea lena, na valoki loa latou e lolatou loto, ti na lotou tasi ano loa, o kamata mei le kau matua ki le kau muli ; ti na nofo loa Sesu toka tasi mo le fafine leia na tuu i lotomalie.

Gaoi 23:1

I le tio fakamaumau a Paulo ki le kau fono, na pati loa a ia : Tagata fetaina, e iloa e loku loto na kau saele mea i mua o le Atua o kaku mai ki le aso nei…

Gaoi 24:16

Ti e kau faiga ke kau maua tuumau se loto mea i mua o le Atua mo mua o le tagata.

Loma 2:14

Ka fai e le kau Pagani, ala e leaise maua ia le lao, le nea leia e tuu i le lao, e lotou liliu, latou ala e leaise maua ia le lao, ko se lao kia latou totonu ;

Loma 2:27

Ko le tagata leia e lee silikosisio i lona tino kae fai ia le lao, pe leaise fakamaaui loa e ia a koe, leia e maumaui ia a ia, kae e ke maua ia le tosi totonu o le lao mo le silikosisio i lou tino ?

Loma 9:1

E kau fakasa le maoki ia Kilisito, e leaise kau loi fua, e fakamaoki mai loku loto kiate au i le Laumalie Maokioki :

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Uluaki tosi kia Timoteo 4:2

o tupu ko le malualoi o le kau toketa loi, ala kua mate olatou atamai, o sakinake na tutu latou ki se ukamea kaka ;

Tito 1:15

E mea nea fuli kia latou ala e mea ; kae e leaise mea se nea kia latou ala e kelekele mo tui gataa ; talie kua kelekele olatou atamai mo olatou loto.