Loma 16:7 - Tosi Tapu

⁷ Avake oku alofa kia Atoloniko mo Suniasi, ko oku kaiga ti ko oku kaukau nea i le pilisoni, ala na alofainai lasi i le kau apositolo ti na uluaki tafoki iate au kia Kilisito.

Loma 16:7 ပူးပေါင်းရင်းမြစ်များ

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esaia 45:25

E maua loa e vosa o Iselaele Le faitotonu mo le kololia i le Eteleno.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 6:56

Ko leia e kai ia loku tino ti e inu ia loku toto e nofo a ia iate au, ti mo au iate ia.

Loma 16:10

Avake oku alofa kia Apelesi, leia kua mamae o tupu ko lana tui kia Kilisito. Avake oku alofa kia latou o le kaiga o Alisitopule.

Loma 16:11

Avake oku alofa kia Elotione, loku kaiga. Avake oku alofa kia latou o le fale o Nalesise ala e nofo i le Aliki.

Loma 16:21

E fakaalofa atu kia koutou a Timoteo, loku kaukau nea i le gaoi, mo Lusiusi, mo Sasone ti mo Sosipatele, ko oku kaiga.

Loma 16:3

Avake oku alofa kia Pelesila mo Akilasi, ko oku kaukau gaoi ia Sesu-Kilisito,

Loma 16:6

Avake oku alofa kia Malia, leia na lasi ai lana gaoi kia koutou.

Loma 16:8

Avake oku alofa kia Apiliato, loku alofaaga i le Aliki.

Loma 16:9

Avake oku alofa kia Ulupano, lomatou kaukau nea gaoi ia Kilisito, ti mo Setakisi, loku alofaaga.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Loma 8:11

Ti kapau e nofo ia koutou le Laumalie o leia na toe fakatuuake ia a Sesu mei le kau mate, ko leia na fakatuuake ia a Sesu-Kilisito mei le kau mate, e toe soli ia loa le mauli ki okoutou tino mamate i lona Laumalie leia e nofo ia koutou.

Loma 9:3

Talie e kau fakaamu ake ke kau malaia mo kau motusi meia Kilisito o tupu ko oku fetaina, mo oku matua i le kanofi,

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Lua tosi ki le kau Kolinto 12:2

E kau iloa se tagata ia Kilisito, kua sili ki ai ni fetuu e kau agafulu tupu fa, na ave a ia ki le tolu o lagi (pe na ave a ia i lona tino, e leaise kau iloa, pe sala i lona tino, e leaise kau iloa, ko le Atua e iloa ia).

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 1:22

I le temi lena, na leikiaise iloa oku mata e Ekelesia o Sutea ia Kilisito ;

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Kalate 2:6

Ko latou ala e logologona - e leaise mauiga kiate au olatou anoaga totonu : talie e leaise fakapalatasi le Atua - ko latou ana na logologona na leaise fakamaua ia mai kiate au se nea.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Kolose 4:10

Ko Alisitake, loku kaukau nea i le pilisoni, e fakaalofa atu kia koutou, tatau mo Maleko, le taina mataitama o Palenapa, (leia kua kotou maua ni fakatotonu o uiga mo ia, kapau e natu a ia kia koutou, kotou tali fakamalie a ia) ;

Filemo 1:23

E alofa atu kiate koe a Epafalasi, ko loku kaukau nea i le pilisoni ia Sesu-Kilisito,

Uluaki tosi a Soane 4:13

Ko leinei le nea leia e tou iloa ai e tou nofo iate ia, ti e nofo a ia ia tatou, talie na soli e ia kia tatou lona Laumalie.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Apokalipisi 1:9

Ko au Soane, ko lokoutou taina, leia e kau mo koutou ki le mamae, mo le puleaga, ti mo le kataki fualoa ia Sesu, na kau nofo i le motu leia e igoa ko Patemosi, o tupu ko le folafola a le Atua ti mo le fakamaoki o Sesu.