Loma 16:25 - Tosi Tapu

²⁵ Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 16:25 ပူးပေါင်းရင်းမြစ်များ

Pesalemo 78:2

E kau fakamavaa loku gutu i ni folafola fakatata, E kau fakasa le poto mei le temi afea.

Taniela 2:22

E fakasa e ia le nea leia e loloto mo munia, e iloa e ia le nea leia e tuku i le fakapouli, ti e iate ia le malama.

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.

Mateo 13:17

E kau pati maoki atu kia koutou, e toka api le kau polofeta mo le kau agatonu ala na oli ke tio ki le nea leia e kotou tio ki ai, kae na leaise lotou tio ki ai, ke logo ki le nea leia e kotou logo ki ai, kae na leaise lotou logo ki ai.

Mateo 13:35

o tupu ke fakasoko le nea leia na fakailo fakatomua e le polofeta : E kau fakamavaa loa loku gutu i ni folafola fakatata, E kau fakasa loa ni nea ala na munia talu mei le fakatupu o le malama nei.

Mateo 20:7

Na lotou tali loa kiate ia : Talie na leaise fakagaoii matou e se tasi. Na pati loa a ia kia latou : Kotou ano mo kotou foki ki laku vite.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Gaoi 9:20

Ti na kamata aifai e ia le fakasa i sinakoka ko Sesu ko le Alo o le Atua.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 14:4

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.

Loma 16:24

Ke nofo le kalasia o lotatou Aliki ko Sesu-Kilisito mo koutou fuli ! Amene !

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Uluaki tosi ki le kau Kolinto 1:23

Kae ko maua, e ma fakasa Kilisito na tutuki i le koluse, ko le tukiaaga ki le kau Sutea, ti ko le valea ki le kau pagani,

Uluaki tosi ki le kau Kolinto 2:7

Kae e ma fakasa le poto fakafufu o le Atua, leia e fufu ki le tagata, kae na fakatuutuu e le Atua, i mua o le fakatupu o le malama nei, ki lotatou kololia,

Uluaki tosi ki le kau Kolinto 4:1

Koia, ke tio mai kia maua ofaipe ni tagata fakasausau a Kilisito, ti mo ni tagata tausi o misitelio o le Atua.

Lua tosi ki le kau Kolinto 4:3

Kapau koi fakapulou lama Evaselio, ti e fakapulou a ia kia latou ala e mamate,

Lua tosi ki le kau Kolinto 4:5

E leaise ma akonaki kia maua totonu ; ko le Aliki ko Sesu-Kilisito leia e ma akonaki ki ai, ti e ma pati ko akoutou tagata fakasausau maua o tupu ko Sesu.

Kalate 2:2

Ti na kau pale loa ki ai i se levelasio. Ti na kau fakamatala loa kia latou le Evaselio leia e kau akonaki ki le kau pagani ; ti na kau fakamatala tafito a ia kia latou ala e logologona, o tupu ke aua na ano noa laku makape i le temi nei mo le temi kua sili.

Efeso 1:9

ti kua fakasa e ia kia tatou le misitelio o lona finegalo, o mulimuli ki le fakatuutuu fakaalofa leia na fai e ia iate ia totonu,

Efeso 3:11

o mulimuli ki le fakatuutuu lee gato leia na fai e ia ia Sesu-Kilisito lotatou Aliki ;

Efeso 3:9

ti ke iloa e tagata fuli le misitelio leia na fufu talu mei le kamataaga i le Atua, leia na fakatupu ia a nea fuli.

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Kolose 4:3

Kotou ulufaki foki maua, o tupu ke fakamavaa e le Atua kia maua se matapa o uiga mo le folafola, ti ke feala ke kau fakasa le misitelio o Kilisito, leia e tupu ai laku nofo i tini anei,

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Lua tosi ki le kau Tesalonika 2:14

Ko le nea lena na kalagai e ia koutou ki ai i lamatou Evaselio, o tupu ke kotou maua le kololia o lotatou Aliki ko Sesu-Kilisito.

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Lua tosi kia Timoteo 2:8

Ke ke manatu kia Sesu-Kilisito, ko le sakoga o Tavite, leia na toe tuuake mei le kau mate, o mulimuli ki laku Evaselio,

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Uluaki tosi a Petelo 1:20

leia na fakatuutuu i mua o le fakatupu o le malama nei, ti na fakasa loa i temi fakaoki o sekulo, o tupu ko koutou ;

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Apokalipisi 10:7

kae i aso o le leo o le fitu aselo, mo ka pupusi loa e ia lana fakatagi pupusi, e fakasoko loa e le Atua lana fakatuutuu fakapulipuli, ofaipe lana fakasa fakatomua ki ana tagata fakasausau, le kau polofeta.