Loma 16:2 - Tosi Tapu

² o tupu ke kotou fakatalitali a ia i le Aliki, i se fakatalitali leia e gali mo le kau sagato, ti ke kotou tokoi kiate ia i nea ala e kotou aoga ai loa kiate ia, talie na tokoi a ia ki se toka api ti mo au totonu foki.

Loma 16:2 ပူးပေါင်းရင်းမြစ်များ

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Gaoi 9:13

Aliki, na kau logo mei se toka api ki le veli lasi kua fai e le tagata lena ki lau kau sagato i Selusalemi ;

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Gaoi 9:39

Ti na tuu ake loa Petelo o ano mo laua. I lana kaku atu ki ai, na taki loa a ia ki le kogafale i fata. Ti na takatakai loa a ia e fafine lokonui fuli, o tagi mo fakasa ake kia Petelo a kofu mo taupulupulu ala na fai e Tolokasi i lana koi nofo mo latou.

Gaoi 9:41

Ti na falo loa e Petelo lona lima kiate ia, o fakatuu ake a ia ki aluga. Na kalagai loa e ia le kau sagato mo le kau fafine lokonui, o tuku kia latou a Tapita kua mauli.

Loma 15:7

Koia, kotou fekatakiaki mo fealofaaki, ofaipe le alofa o Sesu-Kilisito kia koutou, talie ko le kololia a ia o le Atua.

Loma 16:15

Avake oku alofa kia Filoloke mo Sulia, mo Neleo mo lona taina, fenaaki kia Olepa mo le kau sagato fuli e nonofo mo latou.

Loma 16:23

E fakaalofa atu kia koutou a Kaiusi leia na fakatalitali ia au, ti mo le Ekelesia katoa. E fakaalofa atu kia koutou Elaseto, le tagata taupau paaga o le kolo, ti mo le taina ko Kaletusi.

Loma 16:6

Avake oku alofa kia Malia, leia na lasi ai lana gaoi kia koutou.

Loma 16:9

Avake oku alofa kia Ulupano, lomatou kaukau nea gaoi ia Kilisito, ti mo Setakisi, loku alofaaga.

Efeso 5:3

Ke aua na masau fua ia koutou ki le fai feauaki, mo nea fakakelekele fuli, mo le manumanu, talie e leaise gali a ia mo le kau sagato.

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Filipe 2:29

Koia kotou tali a ia i le Aliki i se fiafia katoa, ti kotou fakamauiga a tau tagata fenaaki.

Kolose 4:10

Ko Alisitake, loku kaukau nea i le pilisoni, e fakaalofa atu kia koutou, tatau mo Maleko, le taina mataitama o Palenapa, (leia kua kotou maua ni fakatotonu o uiga mo ia, kapau e natu a ia kia koutou, kotou tali fakamalie a ia) ;

Uluaki tosi kia Timoteo 2:10

kae ke lotou teu ki ni gaoi malilie, ofaipe ni fafine ala kua fakasa ia ko le kau tausi latou ki le Atua.

Lua tosi kia Timoteo 1:18

Ke alofa le Aliki o tuku kiate ia lona manavaalofa i tafa o le Aliki i le aso lena. E ke iloa malie le lasi o nea fuli ala na fai e ia kiate au i Efeso.

Tito 2:3

Fakasa ki fafine matutua, e tonu foki ke lotou maua se aga leia e gali mo le maokioki, ti ke aua na lotou fatufatu, pe fakavalevale ki le kava ; kae e tonu ke lotou tuku ni tokoi malilie,

Filemo 1:12

E kau kakau atu a ia kiate koe, a ia ko se koga o oku totonu.

Filemo 1:17

Kapau loa e ke lau au ko lou kaukau nea, ke ke tali a ia ofaipe au totonu.

Lua tosi a Soane 1:10

Kapau e au se tasi kia koutou, kae e leaise aumai e ia le akonaki lena, aua na kotou tali a ia i lokoutou fale, ti aua na kotou pati kiate ia : Malo !