Loma 15:8 - Tosi Tapu

⁸ Talie e kau pati atu kia koutou, na liliu Kilisito ko le tagata fakasausau a le kau silikosisio, o tupu ke fakasa ai le maoki o le Atua i lana fakasoko a fakapapau na fai ki otatou tamana,

Loma 15:8 ပူးပေါင်းရင်းမြစ်များ

Taagapati 8:7

Talie e fakasa e loku gutu le maoki, Ti e fakalialia oku laugutu ki le loi ;

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Mateo 15:24

Na tali loa Sesu : Na kakau mai au ki ovi sese o le fale o Iselaele.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Soane 1:11

Na au a ia ki lona kakai, kae na leaise tali a ia e lona kakai.

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Gaoi 13:46

Kae na asilisili loto makeke loa Paulo mo Palenapa, o pati kia latou : Na tonu ke uluaki fakasa mua kia koutou le folafola a le Atua ; kae, o tupu e kotou fakafiti ki ai, ti e kotou fakasa e leaise kotou aoga ki le mauli lee gato, ko leinei, e ma maliu loa ki le kau pagani.

Loma 11:22

Koia tio ki le agamalie mo le itaita o le Atua : itaita kia latou kua siga, ti agamalie kiate koe, mo kapau e ke nofo tuumau i le agamalie lena ; ka leai, ti e toe tuuti loa mo koe foki.

Loma 11:30

Ko koutou, i mua na kotou patigataa ki le Atua ; kae i le temi nei kua kotou maua le manavaalofa o le Atua, o tupu ko lolatou patigataa.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Loma 3:26

Kae i le temi nei e fakasa e ia lona faitotonu, o tupu ke iloa e faitotonu a ia, ti e toe fakamatatonu e ia leia e tui kia Sesu.

Loma 3:3

Kolea koia ! Kapau na leaise tui ni iki, pe fakapuli loa e lolatou tui gataa le agatonu o le Atua ?

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Uluaki tosi ki le kau Kolinto 1:12

E kau fia masau i leinei, e kotou tasi pati feneeki : Ko au, o Paulo au ! - ti ko au, o Apolosio ! - ti ko au, o Sefasi ! - ti ko au, o Kilisito !

Uluaki tosi ki le kau Kolinto 10:19

Kolea loa le uiga o laku pati ? Pe ko se nea koia le inati leia e momoli ki taulaatua ? Pe ko se nea koia se taulaatua ? Leai ai.

Uluaki tosi ki le kau Kolinto 10:29

E kau masau i leinei, o leai ki lokoutou loto, kae ki leia o leia ake. Talie kolea e fakamaaui ai loa loku lauatea e se loto o se tasi kese ?

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Lua tosi ki le kau Kolinto 1:20

talie ko fakapapau fuli a le Atua e io iate ia ; ti koia foki leia e tou puaki ai le Amene iate ia ki le kololia o le Atua.

Efeso 2:12

kotou manatui i le temi lena, na kotou sala Kilisito, mo sala kolo i Iselaele, mo matapule ki sai o le fakapapau, mo sala amanaki malie, ti mo sala Atua i le malama nei.