Loma 15:30 - Tosi Tapu

³⁰ E kau fakalotomakeke koutou, fetaina, o tupu ko lotatou Aliki ko Sesu-Kilisito ti mo le alofa o le Laumalie, ke kotou tau fakatasi mo au, o kotou fai ki le Atua ni kole o uiga mo au,

Loma 15:30 ပူးပေါင်းရင်းမြစ်များ

Pesalemo 143:10

Ako mai kiate au le fai o lou finegalo, Talie ko koe ko loku Atua. Ke taki au e lou laumalie malie i le ala totonu !

Lua tosi ki le kau Kolinto 1:11

ti e kotou tokoi mai foki kia maua ia koutou faikole, o tupu ke liliu le kalasia leia kua tuku mai kia maua ko se faigamalie ke fakafetai ai se toka api o tupu ko maua.

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Lua tosi ki le kau Kolinto 4:11

Talie ko maua ala e mauuli, e tuku tuumau maua ki le mate o tupu ko Sesu, o tupu ke fakasa foki le mauli o Sesu i oma tino mate gaofie.

Lua tosi ki le kau Kolinto 4:5

E leaise ma akonaki kia maua totonu ; ko le Aliki ko Sesu-Kilisito leia e ma akonaki ki ai, ti e ma pati ko akoutou tagata fakasausau maua o tupu ko Sesu.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Filipe 2:1

Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,

Kolose 1:8

ti na fakasa mai e ia kia maua le lasi o lokoutou alofa i le Laumalie.

Kolose 2:1

Koia, e kau loto ke kotou iloa le lasi o le tau leia e kau fai o tupu ko koutou, ti mo latou ala e nofo i Laotise, ti mo latou fuli ala e leikiaise tio ki oku mata,

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Uluaki tosi ki le kau Tesalonika 5:25

Fetaina, kotou ulufaki matou.

Lua tosi ki le kau Tesalonika 3:1

Fakaoki loa, fetaina, kotou ulufaki matou, o tupu ke mafola le folafola a le Aliki, ti ke fakakololiai a ia, ofaipe lona fai ia koutou,

Lua tosi kia Timoteo 4:1

Koia e kau fakatotonu atu ai kiate koe i mua o le Atua, ti mo mua o Sesu-Kilisito, leia e tonu ke fakamaaui ia le kau mauli mo le kau mate, ti e kau kole atu a ia i le igoa o lana toe liliu mai mo lona puleaga,