Loma 15:13 - Tosi Tapu

¹³ Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 15:13 ပူးပေါင်းရင်းမြစ်များ

Esaia 55:12

Io, e kotou mavae loa i le fiafia, Ti e takitaki loa koutou i le tokamalie ; E fakamapaa loa e mauga lalasi mo mauga liliki ni sua fakafiafia i okoutou mua, Ti e pasipasi loa a lima o laakau fuli o le vao.

Selemia 14:8

Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Loma 12:12

Ke kotou fakafiafia i le amanaki malie. Ke kotou kataki fualoa i le mamae. Ke kotou agatonu i le faikole.

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Loma 15:19

ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.

Loma 15:5

Ke soli atu kia koutou e le Atua o le kataki fualoa mo le fakapelepele, ke kotou maua ni manatu tatau i okoutou vasaa o mulimuli kia Sesu-Kilisito,

Uluaki tosi ki le kau Kolinto 2:4

ti na leaise fai aku masau mo aku akonaki ki ni masau logo malie o le poto fakatagata, kae ki se fakamaoki o le Laumalie mo se makeke,

Lua tosi ki le kau Kolinto 9:8

Ti e mafai e le Atua lana fakaapele koutou ki ona kalasia fuli, o tupu ke kotou maua tuumau a nea fuli ala e aoga kia koutou, ti ke kotou toe maua foki o fakalaka ki gaoi malilie fuli,

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Efeso 1:2

Ko le kalasia mo le tokamalie ke soli atu kia koutou e le Atua lotatou Tamana, ti mo le Aliki ko Sesu-Kilisito.

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,

Epelo 6:11

E motou loto ke kotou tasi fakasa le alofa lena o kaku ki le gatoaga, o tupu ke kotou maua katoa le nea leia e kotou amanaki malie ki ai :

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Uluaki tosi a Samuele 1:18

Na pati loa Ana : Ke maua e lau fafine fakasausau se kalasia i ou mata ! Ti na ano loa le fafine lena. Na kai loa a ia, ti na leaise toe tatau loa ona mata mo mua.