Loma 15:12 - Tosi Tapu

¹² Na pati foki Esaia : E tupu loa ia Isaia se afusa, Leia e malaga ake loa o sau i atu puleaga ; Eamanaki malie loa a atu puleaga kiate ia.

Loma 15:12 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Uluaki tosi o Koloniko 2:12

Na tupu loa meia Poase a Opeto. Na tupu loa meia Opeto a Isaia.

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Esaia 11:1

Ti e somo ake loa se ga laa i le tafito o Isaia, Ti e tupu ake loa se uli i ona aka.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Mateo 12:21

Ti e amanaki malie loa a atu puleaga ki lona suafa.

Uluaki tosi ki le kau Kolinto 15:19

Ti kapau e tou amanaki malie fua kia Kilisito i le mauli leinei, ko nea fakaaloalofa oki tatou i tagata fuli.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.

Apokalipisi 22:16

Ko au Sesu, kua kau kakau mai laku aselo ke fakasa atu kia koutou a nea anei i atu Ekelesia. Ko au ko le afusa mo le sakoga o Tavite, ko le fetuu ao gigila.

Apokalipisi 5:5

Ti na pati mai loa se tasi o le kau matua kiate au : Aua na ke tagi ; ko leinei, ko le laione o le faasiga o Suta, le afusa o Tavite, kua malo ke fakamavaa ia le tosi mo ona fakamau e fitu.