Loma 14:2 - Tosi Tapu

² E tui se tasi e feala ke kai ki nea fuli, ti ko se tasi ake, leia e gaegae, e kai magiti ata.

Loma 14:2 ပူးပေါင်းရင်းမြစ်များ

Senesi 1:29

Ti na pati loa le Atua : Ko leinei, e kau soli kia koulua a laakau sesega fuli ala e maua ia ni pulapula ti e somo i le kele, ti mo laakau fuli ala e maua ia ni fua ti mo ni fakaili : ko lena lakoulua nea kai.

Senesi 9:3

E tuku atu loa kia koutou a nea fuli ala e taugaoi mo mauli ke kotou kai : e kau tuku atu kia koutou a nea fuli ana ofaipe laku tuku atu kia koutou le mutie sesega.

Taagapati 15:17

E malie ake le kai o le mutie i se ganea leia e maua ai le alofa, I le kai o se pipi gako, kae nofo ai le vesia.

Taniela 1:12

Ke ke asiasii au tagata fakasausau i ni aso e kau agafulu, o ke soli mai kia matou ni magiti ata ke motou kai ti mo se vai ata ke motou inu ;

Taniela 1:16

Ti na ave loa e le tagata leia na tausi kia latou a nea kai mo le vino leia na tonu ke soli kia latou, kae na soli loa e ia kia latou ni magiti ata.

Loma 14:1

Ke kotou fakatalitali leia e gaegae i le tui, ti ke aua na kotou fevisi i manatu.

Loma 14:14

E kau iloa ti e kau tui i le Aliki Sesu, e leaise nea fua e kelekele iate ia, ti koi kelekele se nea ki leia e tui e kelekele a ia.

Loma 14:20

Aua na ke maumaui le gaoi a le Atua o tupu ko se nea kai. E maoki ko nea fuli e mea, kae e veli ki le tagata, mo ka kai, ke liliu a ia ko se fatu fakatupu siga.

Loma 15:1

Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou.

Uluaki tosi ki le kau Kolinto 10:25

Kotou kai ki nea fuli ala e fakatau i le maketi, kae aua na kotou vesili o tupu ko le loto ;

Uluaki tosi ki le kau Kolinto 8:9

Kae kotou tokaga, ke aua na liliu lokoutou lauatea ko se fatu tukiaaga ki le kau gagae.

Uluaki tosi ki le kau Kolinto 9:22

Na kau gaegae mo le kau gagae, o tupu ke maua ai le kau gagae. Na kau fakatatau i nea fuli ki tagata fuli, o tupu ke kau saofaki ai ni iki.

Kalate 2:12

Talie i mua o le kaku mai o ni iki meia Sakopo, na kai a ia mo le kau pagani, kae i lalatou kaku mai, na sola loa a ia o tuu kese, i lona i ki le kau silikosisio.

Uluaki tosi kia Timoteo 4:4

Talie e malie a nea fuli ala na fakatupu e le Atua, ti e leaise tonu ke tiaki se nea, kae ke too a ia mo ni fakafetai,

Tito 1:15

E mea nea fuli kia latou ala e mea ; kae e leaise mea se nea kia latou ala e kelekele mo tui gataa ; talie kua kelekele olatou atamai mo olatou loto.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Epelo 9:10

ti ko nea ana, mo nea kai, mo nea inu, ti mo fakamea kesekese, ko ni lekula fakatino latou, ala na fakatuu fua o kaku ki se temi leia e fakafoou ai latou.