Loma 14:18 - Tosi Tapu

¹⁸ Ko leia e tausi kia Kilisito o mulimuli ki nea ana, e malie ki le Atua ti e fakamaoki ki ai a tagata.

Loma 14:18 ပူးပေါင်းရင်းမြစ်များ

Senesi 4:7

Kapau e ke fai le nea leia e totonu, ti e toe tuu loa ou mata ki aluga ; kae kapau e ke fai le nea leia e veli, ti e moe loa le agasala i lou mua matapa. E loto a ia ke pule kiate koe, kae ko koe, ke ke pulei a ia.

Ekelesiasi 9:7

Koia, ano a koe i lou ala, kai lau pane i le fiafia, ti inu lau vino i le fimalie ; talie talu mei fualoa kua fakamaoki e le Atua au gaoi.

Maleko 13:34

E fai loa pe se tagata leia ka folau e tuku ia lona fale. E tuku e ia le pule ki ana tagata fakasausau, o fakailoilo ki le tagata taki toka tasi lana gaoi, ti fakatotonu ki le tagata taupau matapa ke leo.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Gaoi 10:35

kae i puleaga fuli, ko leia e alofa kiate ia mo saele i le maokioki, e malie a ia ki ona mata.

Loma 12:11

Ke kotou mafi, kae aua na kotou gasueveli. Ke kotou loto vevela. Ke kotou tausi ki le Aliki.

Loma 14:4

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Loma 6:22

Kae i le temi nei, i lokoutou lauatea mei le agasala, o popula ki le Atua, e kotou maua a fua o le maokioki ti mo le fakaokiaga ko le mauli lee gato.

Uluaki tosi ki le kau Kolinto 7:22

Talie ko le tagata popula leia kua kalagai e le Aliki ko se tagata lauatea a ia a le Aliki ; ti ko le tagata lauatea leia kua kalagai e le Aliki ko se tagata popula a ia a Kilisito.

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Lua tosi ki le kau Kolinto 5:9

Koia foki leia e ma faiga ai ke ma malilie kiate ia, pe ma nonofo i le tino leinei, pe ma mavae i ai.

Lua tosi ki le kau Kolinto 6:4

Kae e ma faiga ke ma malie kia koutou i nea fuli, ofaipe ni tagata fakasausau a le Atua, i se kataki fualoa i mamae, i mativa, i tutamaki,

Lua tosi ki le kau Kolinto 8:21

Talie e ma afa le nea leia e malie, o leaise gato fua i mua o le Aliki, kae i mua foki o tagata.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Kolose 3:24

o kotou iloa e kotou tali loa mei le Aliki le totogi ko le tofiga. Kotou tausi kia Kilisito, ko le Aliki.

Uluaki tosi kia Timoteo 2:3

E malie mo aoga le nea lena i mua o le Atua lotatou Fakamauli,

Uluaki tosi kia Timoteo 5:4

Ti kapau e maua e se fafine lokonui ni ana fanau pe ko ni ona makopuna, e tonu ke lotou ako i mua o nea fuli le fai o le aga fakaatua ki olatou famili totonu, ti ke lotou totogi ki olatou matua le nea leia na lotou tali meia latou, talie e malie le nea lena ki le Atua.

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 2:20

Talie ko le kololia fea leia e maua i le tali o ni mamae mo ni fakaveliveli o tupu ko le fai o ni nea ala e veveli ? Kae kapau e kotou mamae talie e kotou fai le nea leia e malie, ko se kalasia a ia i mua o le Atua.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.