Loma 14:13 - Tosi Tapu

¹³ Koia aua na kotou fefakamaauaki ; kae ke kotou manatu ke aua na fai se nea ke fakatupu tukia pe fakatupu siga ki lokoutou taina.

Loma 14:13 ပူးပေါင်းရင်းမြစ်များ

Lua tosi a Samuele 12:14

Kae ko leinei, o tupu kua ke fai se nea leia ke lauveli ai a fili o le Eteleno, e mate loa le vosa leia kua tupu kiate koe.

Esaia 57:14

E pati loa : Kotou foa, kotou foa, kotou teuteu le ala, Kotou too a tukiaaga fuli i le ala o loku kakai !

Esekiele 14:3

Vosa o le tagata, kua amo e le kau tagata lena olatou taulaatua i olatou loto, ti kua pipiki olatou mata ki le nea leia na fakavilo ia latou ki le veli. Pe e kau tuku loa ke lotou afa mai se nea kiate au ?

Levitiko 19:14

Aua na ke lauvelii loa se tuli, ti aua na ke tuku loa ki mua o se kivi se nea leia ke siga ai. Talie e ke maua loa le i ki lou Atua. Ko au ko le Eteleno.

Mateo 16:23

Kae na mafuli loa Sesu, o pati kia Petelo : Ano ki oku muli, Satana ! E ke fakatupu siga kiate au ; talie ko au manatu e leaise ko manatu a le Atua, kae ko manatu a tagata.

Mateo 18:7

Malaia ki le malama nei o tupu ko fakasala ! Talie e aoga ke soko ni fakasala ; kae malaia ki le tagata leia e tupu mei ai le fakasala !

Mateo 7:1

Aua na kotou fakamaui fua, o tupu ke aua na fakamaui koutou.

Luka 12:57

Ti kolea e leaise kotou iloa ai i okoutou loto le nea leia e totonu ?

Luka 17:2

E malie ake kiate ia ke nonoa se fatufuaga ki lona ua, ti ke ti a ia ki le moana, i lana fakasalai se tasi i ga toe liliki anei.

Loma 11:9

Ke liliu lolatou laupapa ko se masele kia latou, Ko se kupega, ko se nea fakatupu siga, ti ko se totogi !

Loma 14:10

Kae ko koe, kolea e ke fakamaaui ai lou taina ? Pe ko koe, kolea e ke vesia ai ki lou taina ? talie e tou tutuu fuli loa i mua o le fakamaauaga o le Atua.

Loma 14:3

Ke aua na fakanoai e leia e kai leia e leaise kai, ti ko leia e leaise kai ke aua na fakamaaui e ia leia e kai, talie kua fakatalitali a ia e le Atua.

Loma 14:4

Ko ai a koe, ke ke fakamaaui ia le tagata fakasausau a se tasi kese ? Kapau e tuu a ia i aluga, pe siga a ia ki lalo, a le pule fai le nea lena. Kae e tuu loa a ia i aluga, talie e maua e le Aliki le makeke ke fakatuu ake ai a ia.

Loma 16:17

E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana.

Uluaki tosi ki le kau Kolinto 10:32

Aua na kotou liliu ko se fatu sigaaga ki le kau Keleka, pe ki le kau Sutea, pe ki le Ekelesia o le Atua,

Uluaki tosi ki le kau Kolinto 11:13

Kotou sivisivi mua e kotou totonu : Pe malie ke faikole se fafine ki le Atua sala pulou ?

Lua tosi ki le kau Kolinto 5:14

Talie e ekenaki maua e le alofa o Kilisito, talie e ma iloa kapau na mate se toka tasi ki tagata fuli, ti na mamate a tagata fuli ;

Lua tosi ki le kau Kolinto 6:3

E leaise ma loto ke siga se tasi i se nea, o tupu ke aua na liliu le gaoi ko se nea fakatupu lauveli.

Filipe 1:10

talie ke kotou iloa a nea ala e malilie tukupau, o tupu ke kotou mea mo lee mele ki le aso o Kilisito,

Uluaki tosi kia Timoteo 5:14

Koia e kau loto ai ke avaga a fafine lokonui tupulaga, ke lotou maua ni alatou fanau, ke lotou takitaki olatou fale, o tupu ke aua na lotou tuku ki le fili se faigamalie ke lauveli ;

Sakopo 2:4

Pe leaise kotou fai ia koutou totonu se fakakesekese ? Pe leaise ko ni tui fakamaau koutou ala e maua ia ni manatu veveli ?

Sakopo 4:11

Fetaina, ke aua na kotou masau veli, a la ki la. Ko leia e masau veli ki se taina, pe fakamaaui ia lona taina, e masau veli a ia ki le lao ti e fakamaaui e ia le lao. Ti kapau e ke fakamaaui ia le lao, e leaise ko se tagata loa a koe leia e fai ia le lao, kae ko lona tui fakamaau.

Uluaki tosi a Soane 2:10

Ko leia e alofa ki lona taina, e nofo a ia i le malama, ti e leaise maua iate ia se nea fakatupu siga.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.