Loma 14:11 - Tosi Tapu

¹¹ Talie e tuu i le Tosi : E kau mauli, e pati le Aliki, Epeluki loa tuli fuli i oku mua, Ti e fakakololia loa alelo fuli ki le Atua.

Loma 14:11 ပူးပေါင်းရင်းမြစ်များ

Pesalemo 72:11

E punou loa a sau fuli i ona mua, E tausi loa a atu puleaga fuli kiate ia.

Esaia 49:18

Siki ake ou mata, o tio takatakai, ti ke tio : E lotou fakatasi fuli, ti e lotou au kiate koe. E kau mauli ! e pati le Eteleno, E ke kofu loa kia latou ofaipe se kofu fakateuteu, E ke nonoa loa latou i ou vakavaka ofaipe ni titi o se taine avaga.

Selemia 22:24

E pati le Eteleno : E kau mauli ! Ka soko loa Sekonia, sau o Suta, vosa o Sosakimi, Ko se mama i loku lima atamai, E kau taaki loa a koe mei ai.

Esekiele 5:11

Koia e pati le Aliki, le Eteleno : E kau mauli ! O tupu na ke fakakelekele loku fale tapu ki au taulaatua fuli mo au nea fakalialia fuli, ko au foki, e kau too loa oku mata iate koe, ti e leaise maua loa e loku fa mata se manava alofa kiate koe.

Sofoni 2:9

Koia e pati ai le Eteleno o kau tau, le Atua o Iselaele : E kau mauli ! E fai loa Moape pe Sotoma, ti mo fanau a Amone pe Komola, Ko se ganea apele i vao talatala, ko se lameni patai, ko se toafa ki lee gato ; E maumaui loa a ia e le toega o loku kakai, E maua loa latou e le toega o loku puleaga.

Numelo 14:21

Kae e kau mauli ! ti e fakaapele loa e le kololia o le Eteleno le malama nei katoa !

Numelo 14:28

Pati kia latou : E kau mauli ! e pati le Eteleno, e kau fai loa o mulimuli ki akoutou masau ala na logo ki ai oku taliga.

Mateo 10:32

Koia, ko leia e fakasa ia au i mua o le kaugamalie, e kau fakasa loa a ia i mua o loku Tamana leia e nofo i le lagi.

Loma 10:9

Kapau e ke kofesio i lou gutu le Aliki Sesu, ti ka ke tui i lou loto kua toe fakatuuake a ia e le Atua mei le kau mate, e saofaki loa a koe.

Loma 15:9

kae ke toe fakafetai foki le kau pagani ki le Atua, i lona manavaalofa kia latou, ofaipe lona tuu i le Tosi : Koia e kau fakavikiviki loa kiate koe i atu puleaga, Ti e kau sua loa ki le kololia o lou suafa.

Uluaki tosi a Soane 4:15

Ko leia e fakasa ia loa i le kaugamalie ko Sesu ko le Alo a ia o le Atua, e nofo le Atua iate ia, ti e nofo a ia i le Atua.

Lua tosi a Soane 1:7

Talie kua ulu mai ki le malama nei ni tagata toka api, ti e leaise lotou fakasa ia kua au Sesu-Kilisito i se tino fakatagata ; ko leia e felaaki ko le tagata a ia, ti ko le atekilisito.

Apokalipisi 5:14

Ti na tali loa a manu mauuli e fa : Amene ! Ti na tulolo loa le kau matua o atolasio.