Loma 13:7 - Tosi Tapu

⁷ Ke kotou liufaki ki tagata fuli le nea leia e tonu ke maua e ia : le tukusau ki leia e tonu ke kotou ui ki ai, le totogi ki leia e tonu ke kotou totogi ki ai, le i ki leia e tonu ke kotou i ki ai, le fakaapaapa ki leia e tonu ke kotou fakaapaapa ki ai.

Loma 13:7 ပူးပေါင်းရင်းမြစ်များ

Uluaki tosi o Sau 3:17

Na pati loa se tasi o fafine : Fakamolemole mai, ei loku aliki, ko au mo le fafine leinei, na ma nonofo i le fale e tasi, ti na kau fanau i ona tafa i le loto fale.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Taagapati 24:21

Ei loku vosa, i ki le Eteleno mo le sau ; Aua na ke kau mo le kau tagata fakamaveuveu ;

Taagapati 3:27

Aua na ke fakafiti se nea malie ki leia e tonu ke fai ki ai, Mo kapau e ke mafai a ia.

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Levitiko 19:32

E ke tuu loa ki aluga i mua o le ulu sina, ti ke fakaapaapa loa ki le matua. E ke i loa ki lou Atua. Ko au ko le Eteleno.

Mateo 17:25

Na pati loa a ia : E io. Ti e i lana ulu ki le fale, na taofi loa a ia e Sesu, o pati kiate ia : Kolea lau manatu, Simone ? Ko sau o le malama nei, e lotou tae a maua mo tukusau meifea ? Mei olatou vosa, pe mei ni matapule ?

Mateo 22:21

Ti na lotou tali loa kiate ia : O Sesale. Ti na pati loa Sesu kia latou : Kotou tuku kia Sesale le nea a Sesale, ti e ki le Atua le nea a le Atua.

Maleko 12:17

Ti na pati loa a ia kia latou : Kotou liufaki kia Sesale le nea a Sesale, ti kotou liufaki ki le Atua le nea a le Atua. Ti na lotou ofolele ai kiate ia.

Luka 20:22

Pe taga kia matou, pe leai, ke motou totogi le tukusau kia Sesale ?

Luka 20:25

Ti na pati loa a ia kia latou : Kotou liufaki kia Sesale le nea a Sesale, kae ki le Atua le nea a le Atua.

Luka 23:2

Na lotou kamata fakalakasala loa a ia, o pati : Na motou maua le tagata leinei e fakatupu maveuveu ki le kakai, o tapui e ia le totogi o le tukusau kia Sesale, ti na pati a ia ko ia ko Kilisito, ko se sau.

Loma 12:10

Ke kotou fealofani i se alofa fakatautaina ; ke kotou tokaga ki le fakaapaapa i okoutou vasaa.

Loma 13:6

Ko le tupuaga foki lena o lakoutou totogi a tukusau. Talie ko pule ko tagata fakasausau latou a le Atua, ke tokaga ki le gaoi lena.

Efeso 5:33

E kau fakaoki atu loa : ke tasi alofa le tagata ki lana avaga ofaipe kiate ia totonu, ti ke fakaapaapa le fafine ki lona avaga.

Efeso 6:5

Tagata fakasausau, kotou patigaofie ki okoutou pule fakamalama, i le i mo le lulu, i le loto faigaofie, ofaipe kia Kilisito,

Uluaki tosi kia Timoteo 5:13

Toe tasi ake, e lotou fakamasani loa i le fakapuli noa o lolatou temi i le ulu saele ki fale ; ti e leaise gato fua i le nofo noa, kae toe veli ake talie e lotou gutu pati mo fia ilo, o masau ki nea ala e leaise tonu ke masau ki ai.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Uluaki tosi kia Timoteo 6:1

Ke tio latou fuli ala e nofo i le popula ki olatou pule ofaipe ni tagata e gali mo le fakaapaapa katoa, o tupu ke aua na lauvelii le suafa o le Atua mo le akonaki.

Uluaki tosi a Petelo 3:7

Tagata avaga, kotou fakasa foki se poto i lokoutou mauli mo okoutou avaga, o kotou iloa ko se ipu fakaeteete lasi a ia ; kotou fakaapaapa ki ai, ofaipe se tasi leia e tonu ke mau tofiga ia mo koutou le kalasia o le mauli. Kotou fai fenaaki, o tupu ke aua na taofi akoutou faikole e se nea.

Uluaki tosi a Samuele 12:18

Na fetapa loa Samuele ki le Eteleno, ti na tuku loa e le Eteleno i le aso fai lena le mana mo le ua. Na maua loa e le kakai katoa se i lasi ki le Eteleno mo Samuele.